Re: muD Duj

[Robyn Stewart <fierceqov@yahoo.com>]

lab ghunchu'wI'
> ja' Qov:
>>> Duj DaruQ neH. puvmoH telmey muD Do je 'e' vIHar.
>>
>> lupuvmoH tlheghHommey HoSqu''e' leghlaHbe'bogh vay'. :)
>
> wejpuH. chal rav'eqvo' HuS Duj 'e' Damaq'a'? Qochbej "Bernoulli".

ngoDqoqvetlh maq paq vItIvbogh. latlh nger tlhaQ much neH qonwI'. 
qIDbej.  

>>...
>>wej chIjmeH 'ul lo'bogh patmey'e' vIlo'.
>
> taghwI'na' SoH. paQDI'norgh law' DaghojnIS.

VOR NDB joq chIjmeH mIw vISov, rut tu'meH vIchu', 'ach 'utbe'.
vIlo'bejpa' leghwI' mIw vISovnISchu'. taghwI'na' jIH 'e' vISovbej. 
qaStaHvIS HutmaH jav rep neH jIpuv.  qaStaHvIS Hut SanID rep jIpuvDI'
taghwI' jIHlaw'taH!
 
>...SIStaHvIS loQ jIyIQchoH. muQanchu'be' Duj.
>(jImon: veQDuj 'oH DujwIj'e' 'e' DaHarchoH'a'?)
> 
> jImonbe'. meH 'elmeH bIQ, nuqDaq nIj Som? DungDaq nIjchugh,
> Duy'law' telmey. 'etDaq nIjchugh, Duy'law' 'et mep. DopDaq
> nIjchugh, Duy'law' lojmIt. bIngDaq nIjchugh, Duy'law' rav.
> 'emDaq nIjchugh, jImISqu'.

Dung DopDaq yIbmeyDaq 'el.  yIbmey SoQmoHta' vay', SoQchu'be'. 
SISqu'taHvIS meH 'el tlhIch rurbogh bIQ'e'.  ghaytan bIQvetlhmo'
QapHa'taH QumwI'mey.  naS *Vancouver* muD.  lojmItDaq 'ellaHbej bIQ. 
'utbe' lojmItmey.  muD ngaSchu'be'bej Duj. loghDaq lengbe'! 
Duj nap 'oH. puv. Saq. vItIv.  *Boeing 737* vIpuvDI', nIjbe'nIS Som. 
jIlay'. :)

>>DaHjaj SIS. 'eSmo' 'engmey jIpuvbe'. pepchugh 'engmey jIpuv.
>
> jenchoHpu'ba' 'engmey. lengHom DatIvpu' 'e' vItul.

Dun. HurghchoHpa' chal jIchegh tlhoS 'e' vIlIj. 'IH veng. 'IH bIQtIq.
ngaD muD.  


===
Qov - pab 'utlh





_________________________________________________________
Do You Yahoo!?
Get your free @yahoo.com address at http://mail.yahoo.com