Re: juvmeH mu'tay' vIghoj

[Alan Anderson <aranders@netusa1.net>]

ja' Qov:
>Duj 'ugh law' wejvatlh wejmaH loS cheb 'ugh puS net tuch.
>qaSchugh, QobchoHlaH ghu'. puvchugh, puvHa'.

ghu' taQ luSIQlaH 'op Dujmey tIn.  'ughqu'chugh, SaqlaHbe'.
puvchoHlaH, 'ach yavvo' SalDI', cheghlaHbe' nIn lo'lu'ta'pa'.

>meH DungDaq tel jomlu'.

vaj yav Dalegh 'e' bot pagh.  maj.

>nIn ngaS telmey. wa'vatlh loS tlho'ren muq nIn ngaSwI'. lojDI' nIn, wIb
>bIngDaq ratlh jav tlho'ren muqbogh nIn.

<yIb> DaghItlhHa'pu'.  wIbHa' yuch.  wIbbe' na'ran.

>jItlhoch'egh'a'?

bItlhoch'eghbej.  lojDI' nIn, ratlhba'qu' pagh.

>nInvetlh
>lo'laHbe' Duj.  vIQIjmeH mu'mey vISovbe'bogh vIlo'nIS.
>HIqaD.  DujwIj boyajmeH HIyu'.

lu' qaH.  qatlh telmeyDaq lI'be'bogh nIn tu'lu'? :-P

DIngba' vo'wI', 'ach tlhe'laH'a' 'etlhmey?  chay' vo'wI' Do DalIS?
Duj lurgh DaSeHmeH, qamDu'lIj Dalo''a'?  SeHlaH'a' je raQpo'?
ghot lojmIt 'ar ghaj Duj?
yavDaq bIchungHa'moHbogh pat tu'lu''a'?
yavDaq bIvIHtaHvIS, Duj lurgh SIgh nuq?

>(DujwIj'e' 'oHbe'ba' - vIngIpmeH jIDIl.)

wa' Cessna DangIp?  reH rapchugh, perDaj yIngu'.

-- ghunchu'wI'