tlhIngan-Hol Archive: Mon May 03 19:30:18 1999

Back to archive top level

To this year's listing



[Date Prev][Date Next][Thread Prev][Thread Next]

Re: juvmeH mu'tay' vIghoj



lab ghunchu'wI'

> ja' Qov:
>>Duj 'ugh law' wejvatlh wejmaH loS cheb 'ugh puS net tuch.
>>qaSchugh, QobchoHlaH ghu'. puvchugh, puvHa'.
>
>ghu' taQ luSIQlaH 'op Dujmey tIn. 'ughqu'chugh, SaqlaHbe'.
>puvchoHlaH, 'ach yavvo' SalDI', cheghlaHbe' nIn lo'lu'ta'pa'.

ghu'vetlh vISov.  Saqchugh, ghIrbe'choHpu'DI' Duj tIn, ghIrtaH telmey
'ugh.  (telmeyDaq HochHom nIn tu'lu').  puvtaHvIS, Duj 'uchlaH telmey
'ugh, 'ach yavDaq telmey 'ugh 'uchlaHbe' Duj.  Duj QIHlaH ghu'.  

toH.  <Sal>.  wa'Hu' <Sar> vIghItlhDI' <Sal> vIlo'nIS.  rurchuqbogh
mu'mey vIqawHa'law'taH.

>>meH DungDaq tel jomlu'.
>vaj yav Dalegh 'e' bot pagh. maj.

teH, 'ach jItlhe'choHta'DI' ghIr tel 'ej lurgh vIcholbogh waQ.  tel jen
vImaS.  SIStaHvIS, Duj vIbaghtaHvIS, jIyIQchoHbe'. :)

>>nIn ngaS telmey. wa'vatlh loS tlho'ren muq nIn ngaSwI'. lojDI' nIn,
>wIb
>>bIngDaq ratlh jav tlho'ren muqbogh nIn.
>
><yIb> DaghItlhHa'pu'. wIbHa' yuch. wIbbe' na'ran.

DaH mu' qaq vISov.  nIn 'ochHom jen law' nIn ngaSwI' bIng HeH jen puS. 
vaj QuQ SIchlaHbe' jav tlho'ren Qav. 

>>jItlhoch'egh'a'?
>bItlhoch'eghbej. lojDI' nIn, ratlhba'qu' pagh.

ratlh pagh nIn'e' lo'laHbogh vay'.

>>nInvetlh
>>lo'laHbe' Duj. vIQIjmeH mu'mey vISovbe'bogh vIlo'nIS.
>>HIqaD. DujwIj boyajmeH HIyu'.
>
>lu' qaH. qatlh telmeyDaq lI'be'bogh nIn tu'lu'? :-P

Hmph. :)  
qatlh ratlh?  nIn 'ochHom Daqmo' QuQ SIchlaHbe' Hoch nIn.  
qatlh nIn ngaSwI' pupbe' chenmoH Cessna?  moSnIS.  SaStaHvIS telmey 'ej
SaSbe'taHvIS telmey, QuQ SIchnIS nIn.  nIn vIHmoHwI' lo'be' Cessna 152.
 nIn vIHmoH tlham neH.   

>DIngba' vo'wI', 'ach tlhe'laH'a' 'etlhmey? 

gho'be'.  vo'wI' DachoH DaneHchugh, vo'wI' chu' Daje'nIS.  jIqIDbe'. 
Do vo'wI' ghaj GBJQ.  toSmeH vo'wI' ghaj GPFE.  

>chay' vo'wI' Do DalIS?

QuQ Do 'oH vo'wI' Do'e'.  vo'wI' tlhe'bogh naQ'e' tlhe' QuQ.  vaj
vo'wI' Do vIlISmeH, QuQ HoS vIghurnIS. QuQ muD SeHmeH leQ vIyuvchugh,
ghur vo'wI' Do.
 
>Duj lurgh DaSeHmeH, qamDu'lIj Dalo''a'? 

qamDu'wIj ghopDu'wIj je vIlo'.  chay'?  tlhuQDaq ngaDmoHwI' chong
tlhe'moH qamDu' SeHwI'. telmey tlhe'moH ghopDu' SeHwI'.  tay'mo' tlhuQ
telmey Duj je, yeq cha' SeHwI'mey.  tlhe' Duj. (ghu' vInapqu'moH 'ej
pepmoHwI' vInopchu'.  Dalaj'a'?)

>SeHlaH'a' je raQpo'?

HIja'.  rap raQpo' SeHmeH naQ, 'ej ravDaq SeHmeH leQ'a'mey ghaj je
raQpo'.  SeHwI'wIj vIvIHmoH, vIH raQpo' SeHwI'.  pe'vIl jIvangchugh,
raQpo'wIj vIrIQmoHbe'meH jIyepnIS. :)

>ghot lojmIt 'ar ghaj Duj?

cha' lojmIt lutu'lu'.  rut puvtaHvIS Duj, bong poSchoH lojmIt.  

>yavDaq bIchungHa'moHbogh pat tu'lu''a'?

HIja'.  [Qov looks hopefully at the new words list for "hydraulic disc
brakes" or even "wheel" ... ah well.  Can't make things too easy.] 
ravDaq SeHwI' luwavlu'pu'.  ngaDmoHwI' chong SeH bIng 'ay'. 
chungHa'moHwI' SeH Dung 'ay'.  Dung 'ay' yuvDI' yaDDu'wIj, 'ochHomDaq
taS Doq vIveghmoH. SaqjanDaq baS beQwI' tu'lu'.  beQI'vetlh 'uch
chungHa'moHwI' 'ej 'uchqu'moH taS vIraDbogh.  vaj mev Duj.  DaH Huv
qech, qar'a'?  muD rur'a'? :)

>yavDaq bIvIHtaHvIS, Duj lurgh SIgh nuq?

SIgh SuS!  :)  

'et Saqjan 'uytaHvIS Duj, 'et Saqjan tlhe' qam SeHwI' bIng 'ay'. 
vItlhe'qu' vIneHchugh vaj chungHa'moHwI' pat vIlo'. wa' Dop vImevmoH
'ej lurghvetlhDaq tlhe'.

SIghqu'be'meH SuS telHommey vIlo', je.

>wa' Cessna DangIp? reH rapchugh, perDaj yIngu'.

Duj puS vIngIp.  pIj C-GBJQ vIngIp.  Doq 'oH. Dujvetlh vIlo'mo' munuS
latlh ghojwI'pu'.  

<qatlh BJQ DamaS jay'?>  jatlh.  
<vImaSqu'be'> jIjatlh.  <'ach boparmo' reH SaH

Doqmo' parlaw' jatlh jonwI'. 
===
Qov - pab 'utlh





_________________________________________________________
Do You Yahoo!?
Get your free @yahoo.com address at http://mail.yahoo.com



Back to archive top level