tlhIngan-Hol Archive: Tue Mar 30 03:03:52 1999
[Date Prev][Date Next][Thread Prev][Thread Next]
Re: qama'
In a message dated 3/29/1999 7:54:51 PM US Mountain Standard Time,
[email protected] writes:
<< tlhIngan Hol wIQan 'e' poQ'a' tlhIngan Hol?
jagh 'Iv? HIvwI' ghaHlaw' jagh'e'. jagh ghaH'a' peHruS'e'? jagh
ghaHchugh, jup ghaHbe'. jup ghaHpu' 'e' vIQub. 'a peHruS rurwI'mo'
tlhIngan Hol DaHubnISlaw'. vaj jImIStaH 'ej jIQeHtaH.
qechmeywIj vI'angta'. choyajlaw'.
peHruS, nuq DaQubtaH?
>>
============================
Qu' vIghaj. DaH jIjangnISbej. tlhIngan Hol jup jIH. maghoHchuqpu'mo' loQ
mabIt. pIj jIQeHpu'. 'ach jaghpu' DImojnISbe'. tlhIngan Hol juppu' tlhIH
je. vaj juppu' maH, qar'a'?
reH Suvrup tlhIngan. batlh maSuvtaHjaj! 'ach maSuvchuqnISbe'. tlhIngan Hol
pab Daqmey'e' yajchu'be'lu'bogh DISuv. jagh 'Iv? jIjang, jatlh: jagh 'oH
yajHa'ghach'e'. chaq jagh 'oH je ghoHtaHghach'e'. ghaytan jup 'oH
jIjtaHghach'e'.
peHruS