tlhIngan-Hol Archive: Mon Mar 29 21:51:36 1999
[Date Prev][Date Next][Thread Prev][Thread Next]
yaH lutmey
ja' SuStel:
>choyajHa'ba'pu'. Dalbe' yaHwIj (yaHmeywIj!). Dal yaHwIj lutmey'e'.
Dalbe' yaHwIj 'e' yItob. maHvaD wanI' Daj yIqon.
>jIjatlhchugh DaHjaj cha' De'wI' chu' vIjompu' 'ej De'wI' wejDIch vIjomlI',
>SaH 'Iv? Dal De'vam. ramqu'.
SaH taghwI'pu''e'. tlhIngan Hol lughojchu'meH, chovnatlh QaQ lupoQ.
>rut muD Dotlh luDel tlhIngan Hol HaDwI'. muD Dotlh'e' jay'!
reH muD Dotlh tu'lu'. reH 'oH wIqellaH.
>Dalqu' muD Dotlh chaq 'e' DaQub, 'a jISaHbe'.
nuq DalaD DaneH SoH? chaq pIma'qanglaH. Kosovo veSHey Daqel DaneH'a'?
nov luHoHlu' 'e' poQlaw'bogh lalDanqoq Daqel DaneH'a'? QuQ Daqelrup'a'?
tI? pIvmoHchu'bogh Soj? Quj chu' Daghojta'bogh? ghoja'.
>DIvI' Hol vIjatlhchugh yaH lut
>vIjatlhtaHvIS, DaSaH'a'? ghaytanHa'. Dalchugh lut DIvI' Hol vIjatlhtaHvIS,
>vaj Dal lut tlhIngan Hol vIjatlhtaHvIS.
vaj Dalbogh lut yIbuSHa'. Dajbogh lut yImuch. pagh DaghaqlaHbogh Daghaj'a'?
-- ghunchu'wI'