tlhIngan-Hol Archive: Mon Mar 29 20:24:46 1999
[Date Prev][Date Next][Thread Prev][Thread Next]
Re: qama'
ja' SuStel:
>tlhIngan Hol wIQan 'e' poQ'a' tlhIngan Hol?
Hub'eghlaHbe' yInbe'bogh Doch. wej yInchu' tlhIngan Hol.
jatlhwI'Daj ngaQ poQtaH.
>jagh 'Iv?
Hol jagh ghaH jatlhwI' wavbogh nuv'e'.
>HIvwI' ghaHlaw' jagh'e'.
bIlugh. Hol HIvDI' nuv, Hol jagh Daba'.
HIvwI' wIbuSmeH, cha' DuH DIwuqlaH.
HIvwI' wIHIv'a'? chaq wIjey 'ej wImejmoH.
Qapla'Hey wIchav 'ach 'eb wIwoD. jatlhwI' chu' wISuqHa'.
HIvwI' wIghojmoH'a'? pab wIyajbogh yaj jagh 'e' wIQaHlaH.
jupna' mojchugh jaghqoq, qaqbej ghu'.
>jagh ghaH'a' peHruS'e'?
jISovbejbe'. pIj Hol HIvbej ghaH jay'!
pIj ja' <muj TKD! mu'mey lo'Ha' Okrand! jIlugh jIH neH!>. wejpuH.
>jagh ghaHchugh, jup ghaHbe'.
jupna' ghaHchugh, jagh vIpoQbe'. :-/
>jup ghaHpu' 'e' vIQub.
pupbe'taHvIS SovDaj, QaQlaw'. tlhIngan Hol jatlhlaHqu'.
jupHey ghaHlaH.
jatlhlaHbogh nuv vImejmoH vIneHbe'.
>'a peHruS rurwI'mo' tlhIngan Hol DaHubnISlaw'. vaj jImIStaH 'ej jIQeHtaH.
tlhIngan Hol HIvmo' peHruS 'ej HIvqa'mo' 'ej HIvqa'qu'mo' vIHubnIS.
qatlh bImIS? mo'wIj DaSov qar'a'?
DuQeHmoHtaHbogh meq vIyaj. maHay'chu'law'taH jIH peHruS je.
QaQbe' veSHomvam. pagh ta'lI'. taHchugh, ghom Hoch meQ.
vaj chay' DaH jIvangnIS? nuq Dachup?
>qechmeywIj vI'angta'. choyajlaw'.
>
>peHruS, nuq DaQubtaH?
wejpuH, qImbe'law' ghaH.
tlhIngan Hol lulo'DI' nuvpu' ja'chuqtaHvIS, So''eghlaw'.
peHruS, bIlaDtaH'a'? nuq DaQub? chay' jIvangnIS?
-- ghunchu'wI'