tlhIngan-Hol Archive: Tue Mar 23 21:09:16 1999
[Date Prev][Date Next][Thread Prev][Thread Next]
Re: mI'meH mIw ghojlI' Holtej
ja' Holtej:
>> mamI' je be'nalwI' jIH je. loS ben maghojchoH.
>
>loS ben! ghaytan Supo'bej!
qub maqeqmeH 'eb. mapo'qu'be', 'ach mayap.
ja' charghwI:
>chaq SumI'meH mIw boyajchoHta'.
mIw puS DISov. yajlaw' be'nalwI', 'ach vIyajchu'be'taH.
mIw vIta'qu'laH, 'ach mIw vIyajqu'laHbe'taH.
>> *moQpa' wIghoj. :-)
jItlhIj. qabqu' mu'qoqvam 'ej mujchu'.
>*ouch*. mIwvam vItIvbe'. pa'HomqoqDaq wa' 'uj 'aD loS pa'reD.
>pa'qoqvamDaq vIH qamDu'raj. tlhabnIS qamDu'wIj!
mo'HeyDaq jIvIHDI' jIyon. nabna' neH vIpab. jIDeghQo'.
be'nalwI' vIbelmoHmeH neH porghwIj vIvIHmoH. jIba' 'e' vImaS jIH.
jIja'pu' 'ej jIja'qa': qamDu'wIj vIjaD vIneHbe'.
>> yaHwIj mI'wI' yej'an wImuv. Hoch jar cha'logh mI'meH ghom jeSwI'pu'.
>> DaH qaStaHvIS cha' jar Hoch Thursday DuSaQHomDaq majaH.
>
>DuSaQHomDaq SujaHbej'a'? SumI'taHvIS SujaH'a'?
DumISmoH'a' vay'? qachDaq qaS DuSaQHom. mamI'meH pa' majaH.
>> ghaH vIQuchmoHmeH jImI' 'e' vISIQ.
>
>Do'Ha'. chaq mIw chu' botIvlaH.
ghaytan not mIw vItIvbogh vISam. vIwambe'taH.
>> ghu'vam vIHajchu'. ghot vISovbe'bogh vIHotnIS 'e' vIparqu'.
>
>ghot vISovbe'bogh vIHot 'e' vItIvchu'! mInDu'Daj vIDIngmoH 'ej
>vImonmoH 'e' vItIv. vIHaghmoH. qaStaHvIS tup puS, parmaqqaypu'
>maH. rInDI' bom, qoch veb vISam. pagh vIboghmoH. jIropbe'.
>QaQqu' mIwvam.
mubItmoHchu' mu'meylIj. wa' bangna' vIghaj. latlhHey vIneHbe'.
wa' mI'meH qoch vIghaj 'ej wa' mI'meH qoch vIpol.
-- ghunchu'wI'