tlhIngan-Hol Archive: Fri Mar 19 13:15:08 1999
[Date Prev][Date Next][Thread Prev][Thread Next]
DujwIj tI'lu'
- From: [email protected]
- Subject: DujwIj tI'lu'
- Date: Fri, 19 Mar 1999 16:15:08 -0500
- Importance: Normal
HutmaHHu' (wej jar) peDqu'. chIjlu'meH Hemey HuvmoHlu'. HuvmoHmo' DujwIj retlhDaq HuDHom
chenmoHlu'. DujwIj bot HuDHomvam! jISaHbe', jItlheDnIS. HuDHom DungDaq Duj vIchIj.
HuDHomDaq jIghIrtaHvIS wab vIQoy. ghor vay'! jonta' bIngDaq ghor mep; DujwIjvo' pum.
ramlaw' mepvam, 'ach DujwIj tI'lu' vIneH.
lutI'meH Duj Suy vIrI'. luch luSuqmeH jIloSnIS. vaj jIloS. qaSDI' loSmaH vagh jaj,
vIrI'qa'. pawpu' luchwIj chu', 'ach not murI'. jIpaSqu'mo' DujwIj lutI'meH nargh 'eb:
luchwIj luHevHa'. va! jIloSnISqa'! jIqejchoH.
qaSDI' cha' jaj murI'qa'. luchwIj chu' Hevpu'. Duj Suy vISuch, 'ej DujwIj lutI'. DaH
naQqa' DujwIj, 'ach jIQuchbe'. wagh! tlhoS javmaH DarSeqmey ("dollars") vIDIlnIS.
Do'Ha'.
-- Holtej 'utlh
tlhIngan Hol Mailing List FAQ
http://www.bigfoot.com/~dspeers/klingon/faq.htm