tlhIngan-Hol Archive: Wed Mar 10 10:43:00 1999
[Date Prev][Date Next][Thread Prev][Thread Next]
Re: muD Dotlh
- From: "William H. Martin" <[email protected]>
- Subject: Re: muD Dotlh
- Date: Wed, 10 Mar 1999 13:42:58 -0500 (Eastern Standard Time)
- In-Reply-To: <[email protected]>
- Priority: NORMAL
On Wed, 10 Mar 1999 09:43:53 -0800 (PST) Alan Anderson
<[email protected]> wrote:
> qaStaHvIS jajmey law'qu' ngachtaH cha' qabDu'.
> Holvam wItIv 'e' nISba'. vaj jIbup. DaHjaj jIghoHQo'.
> wej jIQochbe', 'ach jIghoHbe'.
qavuv. bIval.
> pab chutHey vIbuSHa'chugh, DaH nuq vIqel?
> toH, yoSwIjDaq DajchoHpu' muD Dotlh.
> tlhIHvaD vIDel.
maj. bIjatlhchu'DI' tlhIngan Hol vIHaDmeH meq vIqawqa'.
jIHvaD meqwIj DaqawmoH. {{:)>
> cha'Hu' ram peDchoH. nom vI' chuch qut chIS.
> nom ngab yav. tugh chIS Hoch 'ej Hab.
naDev peD je. Huv HochHom He, 'ach yav So' chuch qut chIS.
wa'Hu' juH vIghoStaHvIS He ghoSHa'pu' loS yavDuj. yoy wa'.
ghaytan DeghDaq qoHpu' tu'lu'pu'. peDDI' yepnISba' DeghwI'.
> wa'Hu' po pagh vI' jav 'uj Saw' chuch.
Doj. naDev pagh vI' cha' cha' 'uj Saw' neH chuch.
> jIvemDI', loQ DujwIj mollu'pu'.
> mejmeH He lubotchu' vI'pu'bogh chuch qutmey.
qay'.
> vaj yaHwIj vIghoSmeH chuch vIbI'nIS.
DaSmeywIj bIngDaq bIH vIbeQmoHchu' jay'!
(jIbom 'e' vImevmoHlaHbe'.)
{{:)>
> 'ugh chuch qutmey yIQ.
> ngeDbe' bI'meH Qu', 'ach qut vIbI'pu'bogh cheghmoHbe' SuS.
> qaStaHvIS wejmaH tup jIbI'lI'. Do' mach juHwIj vergh.
mu' Daj DawIvpu'.
> HuvDI' mejmeH He, yaHwIj vIghoS.
> ghay'cha'! yaHwIj vergh yotlh tebchu'taH chuch qut jay'.
> bI'ta'be' ngoy'wI'pu'. ghIHqu' yotlh.
ngoy'Ha'ba' ngoy'wI'pu'.
> chuchDaq ngaDHa'law' Hoch Dujmey.
>
> wa'Hu' pov chuch qachHom luchenmoH be'nalwI' puqloDwI' je.
> tInbe' qoD 'ach puq ngaSlaHchu'.
> latlh vIchenchoHmoH. tInchoHpu'pa' jIDoy'choH 'ej jImev.
> chaq DaHjaj vItInqa'moH.
bInajchu'.
> wa'Hu' verghDaq tetchoH chuch.
> DaHjaj ghu' QaQ law' wa'Hu' ghu' QaQ puS.
> Huv chal. Dach 'eng. pe'vIl wew pem Hov.
> bIrtaH muD 'ach loQ tujmo' Hemey QaDchoHlaw'lI'.
ghaytan He QaDmoH SuS.
> muD bIr vIparHa'. Soj wIHutlhbe'. tuj juHmaj. maropbe'. QaQ yIn.
> ('ej chaq muyaj Hoch. ghaytan Qap Hol.)
Qapbej 'ach nuH chu' vItu' 'ej HoHQo'. Saj chu' vItu' 'ach
SopQo'. Duj chu' vISuq 'ach ghoSQo'.
> -- ghunchu'wI'
charghwI' 'utlh