tlhIngan-Hol Archive: Wed Mar 03 10:17:06 1999
[Date Prev][Date Next][Thread Prev][Thread Next]
pImba' bang parmaqqay je.
- From: "William H. Martin" <[email protected]>
- Subject: pImba' bang parmaqqay je.
- Date: Wed, 3 Mar 1999 13:17:02 -0500 (Eastern Standard Time)
- Priority: NORMAL
chay' pIm bang parmaqqay? DIvI' Hol lo'lu'DI' rurchuq
qechmeyvam. SIv Humanpu' law'. jIQIj.
bangwI'vaD lojmIt vIpoSmoH.
parmaqqaywI'vaD pa'reD vIpoSmoH.
bangwI'vaD jItuQ'eghmoH.
parmaqqayvaD SutwIj vImeQmoH. vImeQmoHpa' Sutvam vIteq'a'?
jISaHbe'.
bangwI'vaD jIbom.
parmaqqaywI'vaD jIjach.
bangwI' vIqIHmo' Daq le' vIqawchu'.
parmaqqay vIqIHmo' Daq le' vIQaw'chu'.
bangwI'vaD leSpalwIj vIchu'.
parmaqqaywI'vaD leSpalwIj vIghor.
bangwI' vav vIqIH.
parmaqqay vav vIjey.
DaH bIyaj'a'?
charghwI' 'utlh