Re: weekend-wIj'e'

["William H. Martin" <whm2m@cms.mail.virginia.edu>]

On Thu, 24 Jun 1999 13:12:48 -0400 Alan Anderson 
<aranders@netusa1.net> wrote:

> lopno'Hey Dellaw'mo' Hoch, wanI'wIj vIDelnISlaw' je jIH.
> 
> vaghHu' nay be'nalwI' SoS loDnI' puqbe'.  tlhoghtay bejmeH qorDu'wIj,
> "Louisville"-Daq wIleng. 

toH! wa'maH loS Hu' *Louisville*Daq jIpaw. qaStaHvIS wej jaj 
jImI'. tlhoS maghom!

> ngajbe' leng 'ach tIqqu'be'.  manabchu' 'ej
> mapawDI' tugh tagh tay.
> 
> tlhetlhtaHvIS tay, ngojchoH puqloDwI'. 

mururlaw'. tlhoghtayDaq pIj jIngoj. jIqelqu''eghmoH. rut vay' 
vIparbogh vIlegh. jaghwI' jIHDI' Qatlhqu' ghu'. chay' 
jIjey'eghlaH? chay' jIQap?

> Sor Hap quSDaq QebDaj chuSmoH.
> ba'taHvIS loQ nogh.  tay buSHa'.  muberghmoH.  jIH be'nalwI' jojDaq 
> ba'taH.  jItlhup; vIjatlh yItamtaH!  'ach ghaH tlhopDaq quS 'o' mupmeH
> QebDaj lo'qa' 'ej chuSqa'. 

puqpu' ma'nIS tay pagh puqpu' lajnISQo' tay. qaStaHvIS tay, nuv 
nen Da puq net pIHchugh vaj QubHa'lu'ba'. moghlu' net baj.

> nom jItuvHa'choH.  nItlhDajvo' QebDaj
> vIteq.  SaQruplaw' 'ach DuQtaHvIS mInDu'wIj tambej.  jIQay'be'meH Daq
> tam ghaH be'nalwI' je.  Hopmo' ghaH loQ munuQbe'choH.

chaq bImogh 'e' Dabaj.

> rInDI' tay, naychu'DI' 'ej Sawchu'DI' SIQwI'pu', qach pImDaq wIjaH.
> pa' maSop 'ej majatlh.  QoQ muchlu' 'ach wej mI'ta'mo' SIQwI'pu', 
> mI'qangbe'law' latlhpu'.  'ey QoQ 'ej qaStaHvIS cha' rep nargh mI'meH
> 'eb law'.  "Rumba" "cha-cha" joq DIta' wIneH.  mI'nISqu' SIQwI'pu';
> chaHvaD 'e' pon vay'.  vaj wa'logh nIteb mI'DI' chaH, 'ej mI'DI' 
> naywI' vavDaj je, tugh Hoch mI'rup.

yoHHa'ba' SIQwI'pu'.
 
> mI'wI' Daq wIghoS jIH be'nalwI', 'ach mamI'choHlaHpa' SIbI' choH QoQ
> jay'! 

chaq chu'wI'pu'vaD Huch nob puqloDlI'. ghaHvaD Qeb DatIvHa'moH 
vaj SoHvaD mI'meH rav tIvHa'moH.

> chung QoQ 'ej chuSqu'choH.  HurghchoH pa'.  qaStaHvIS wej rep 
> "swing" neH muchlu' jay'!  wejpuH.  mamI'bej, 'ach vItIvbe'chu'.

*swing* vItIvbe' je.
 
> lopno'Daq Sopta'DI' puqloDwI', paq laDchoH.  raSDaq ba'taH 'ej laDtaH.
> QoQ buSHa'.  latlhpu' buSHa'.  pagh nuQmo' jIbepbe'.

valba' puqloDlI'. yIHem.
 
> mejtaHvIS SIQwI'pu', chaHDaq pagh wIjaD.  tIr chIS wIbaHbe'.  Dalchu'.

Dal tIgh. taQ je 'e' vIHar. Soj 'ey natlhlu'.
 
> rInDI' lopno' mebpa'mey wIghoS.  pa' be'nalwI' vav SoS je DItlhej. 
> chaH tlhej je be'nalwI' be'nI' cha' puqbe'pu'.  qaStaHvIS wej rep 
> "swim" puqpu' be'nalwI' je.  tlhoS ngengHom yoS wI'ellaHbe', ngaQmo' 
> lojmItmey.  ngaQHa'Qo' loHwI'pu', 'ach tlhoy' wItoS net chaw'.
> 
> ghungqa' puqpu'.  choS "church picnic" ghoS HochHom 'ach pa'Daq
> jIratlh jIH 'ej jIDum.  jaj veb juHDaq wIchegh.

maj.
 
> -- ghunchu'wI'

charghwI' 'utlh