tlhIngan-Hol Archive: Tue Jul 06 11:40:56 1999

Back to archive top level

To this year's listing

• Index by Date
• Index by Thread
• Index by Author

RE: be'nI'wI' QIn 'IQ

• From: "Andeen, Eric" <[email protected]>
• Subject: RE: be'nI'wI' QIn 'IQ
• Date: Tue, 6 Jul 1999 11:41:40 -0700

jatlh charghwI':

>>>wa'Hu' ram be'nI'wI'vo' QIn vIHev.
>>>HoH'eghpu' SoSwI' be'nI' loDHom.

jatlh ghunchu'wI': 
>> not HoH'eghwI' vIyaj.  qatlh jeghchu' vay'?

jatlh charghwI':
> nenchoHpa' loDHomvam vISov. not 'oy' SIQlaHchu'. 
> pIj vIng. QaQ nuvvam, 'ach loQ jeDHa' 'IwlIj.

'IwwIj jeD law' 'IwlIj jeD puS jay'!

> Duy' vavDaj Dub. 'oy'qu'. QopchoH. nenchoHpu'DI' 
> vavDaj Dub DachoH DubDaj. 'oy'choHtaH. SIQvIplaw'. 
> 'oy'vo' narghmeH HoH'egh 'e' vIpIH.

cha' ben HoH'egh vavnI'wI'. 'oy'qu'mo' qamDu'Daj, tlhoS QamlaHbe', 'ej 'oy'
SIQlaHbe' 'e' maq. 'ach nep 'e' wIHar. Sabmo' SoSnI'wI' yab, maw'qu'choH,
'ej mIghchoHlaw' je. ghaytan cha'maH ben SabchoHpu', 'ej wa'maH ben
Sabqu'bejlI'. 'eng Hurgh rurtaHqu' juHchaj muD. vavnI'wI' yIvtaH be'nalDaj,
'ach noDqangbe' vavnI'wI'. SIQtaH neH. 'arghHa' ghu' not 'e' pIHlaH. chay'
ghu'vetlh SIQlaHtaHqu' vay'?

> 'oy'Daj 'oy' law' 'oy'wIj 'oy' puS. vInoHlaHbe'.

>> HoH qaq Qatlh may' qaq ngeD; chay' 'e' HarchoH?

> 'oy'Daj lajQo' nuvvam 'ach mevlaHbe'. Qapbej wa' mIw neH.
 
>> yIntaHwI'pu' luQorghnISlu'.  Qu'chaj Qatlh law' 
>> Heghpu'wI' Qatlh puS.

> maQochbe'chu'. SoSwI' be'nI'vaD vaghvatlh DeQ vInob. 
> vISuch. DaH tIqwIj'e' vIrIQHa'nISmoH.
 
yItaH, jupwI'.


pagh

• Follow-Ups:
  • RE: be'nI'wI' QIn 'IQ
    • From: Alan Anderson <[email protected]>

• Prev by Date: Re: jIchegh tulajchugh
• Next by Date: Re: KLBC challenge
• Prev by thread: Re: be'nI'wI' QIn 'IQ
• Next by thread: RE: be'nI'wI' QIn 'IQ
• Index(es):
  • Date
  • Thread
  • Author

Back to archive top level