tlhIngan-Hol Archive: Thu Jan 21 17:06:29 1999
[Date Prev][Date Next][Thread Prev][Thread Next]
tlhoghtay
- From: "Andeen, Eric" <[email protected]>
- Subject: tlhoghtay
- Date: Thu, 21 Jan 1999 18:00:09 -0700
vagh Hu' nay jupwI'. ghaHvaD cha'DIch Da be'nalwI'. Dojqu' tlhoghtay, lopno'
je.
jav Hu', qeqmeH, chIrghDaq ghom tay jeSwI'pu', qorDu'mey, latlhpu' puS je.
QIjtaHvIS tay che'wI', jeSwI'pu' vIbej. SawwI' 'emDaq Qam vagh loD 'ej
naywI' 'emDaq Qam vagh be'. vaj jItoghchoH: wa', cha', wej, loS, ... vagh
ghaH SawwI' cha'DIch'e'. pay' jItlhoj: jav ghaH SawwI''e' {{;-)
rInDI' qeq, qeq 'uQ'a' wISop. maSoppu'DI', naywI' SawwI' je vanlu'. van
SawwI' vav, naywI' vav, SawwI' cha'DIch, latlhpu'. jIQam 'ej jIjatlh:
ta'meyraj bota'taHvIS, SuQapjaj
SuSuvtaHvIS, Suquv'eghmoHjaj
'ej batlh, Su'uchchuqtaHvIS, SuHeghjaj
jIjatlhta'DI', jImugh je.
chIrghDaq qaS tay. 'eltaHvIS jeSwI'pu', DIron chu'taH reywI'. 'eyqu' QoQ.
pIjHa' DIronna' vIQoylaH. mejtaHvIS Hoch, muchqa' reywI'.
rInDI' tay, lopno' vaSDaq leng Hoch. Hopmo' vaS, loQ nI' leng, 'ach qay'be'.
maSop. matlhutlh. mamI'. malopchu'. Dun.
pItlh.
pagh