Re: tlhoghtay

["William H. Martin" <whm2m@server1.mail.virginia.edu>]

On Thu, 21 Jan 1999 17:11:46 -0800 (PST) "Andeen, Eric" 
<Eric.Andeen@Sequencia.com> wrote:

> vagh Hu' nay jupwI'. ghaHvaD cha'DIch Da be'nalwI'. Dojqu' tlhoghtay, lopno'
> je.
> 
> jav Hu', qeqmeH, chIrghDaq ghom tay jeSwI'pu', qorDu'mey, latlhpu' puS je.
> QIjtaHvIS tay che'wI', jeSwI'pu' vIbej. SawwI' 'emDaq Qam vagh loD 'ej
> naywI' 'emDaq Qam vagh be'. vaj jItoghchoH: wa', cha', wej, loS, ... vagh
> ghaH SawwI' cha'DIch'e'. pay' jItlhoj: jav ghaH SawwI''e' {{;-)

pup.
 
> rInDI' qeq, qeq 'uQ'a' wISop. maSoppu'DI', naywI' SawwI' je vanlu'. van
> SawwI' vav, naywI' vav, SawwI' cha'DIch, latlhpu'. jIQam 'ej jIjatlh:
> 
> ta'meyraj bota'taHvIS, SuQapjaj
> SuSuvtaHvIS, Suquv'eghmoHjaj
> 'ej batlh, Su'uchchuqtaHvIS, SuHeghjaj
> 
> jIjatlhta'DI', jImugh je.
 
mer'a'?
 
> chIrghDaq qaS tay. 'eltaHvIS jeSwI'pu', DIron chu'taH reywI'. 'eyqu' QoQ.
> pIjHa' DIronna' vIQoylaH. mejtaHvIS Hoch, muchqa' reywI'.
> 
> rInDI' tay, lopno' vaSDaq leng Hoch. Hopmo' vaS, loQ nI' leng, 'ach qay'be'.
> maSop. matlhutlh. mamI'. malopchu'. Dun.

maj. QaQ yIn. SawwI'vaD jIqeS: yISop, yItlhutlh 'ej yIQuch 
wa'leS jav Damojmo'. {{:)>

> pItlh.
> 
> 
> pagh

charghwI' 'utlh