tlhIngan-Hol Archive: Tue Jan 05 10:10:03 1999

Back to archive top level

To this year's listing



[Date Prev][Date Next][Thread Prev][Thread Next]

Re: qa'vIn -- latlh mIw



> ja' Pam Felton 
>
>  >qa'vIn chenmoHwI' vIHev.  I received a coffee maker.
>  >vIwaH.  I've been experimenting with it.
>  >QaQbe' qa'vInwIj.  My coffee isn't good.
>  >chay' qa'vIn QaQ vIchenmoHlaH?  How can I make good coffee?
>  >Geez, stop practicing for a little while and this gets tough.
>  >K'ryntes
>
>      qa'vIn chenmoHwI' vIlo'be'. mIw ngo' vImaS. 
>  maHpInDaq *sugar* *coffee powder* je yIDuD. maHpInDaq pubqu'lu'bogh 
>  bIQ yIlIch 'ej yIDuDchu'. qaStaHvIS tup law' yIDuDtaH. 
>  chevwI'Daq Hoch yIlIch. DaH QaQ qa'vIn DaSuq. yIthutlhchu'.
>  
>  Edy

Do qa'vIn DachenmoHlaw'.  rut vIchenmoH jIH je -- qutmey QaDmoHlu'pu'bogh
vIlo' -- 'ach mIw vImaSbogh ngo' law' mIwvetlh ngo' puS.  mIw ngo'qu' vIDel:

qa'vIn qurgh'e' vIghorchu'meH janHom le' vIlo'.  (DIngtaHbogh 'etlhHom ngaS
janHomvam; QapmoH 'ul.)  mIvHom le'qu' qoDDaq qurgh vIghorchu'pu'bogh vIlan --
mIvHomvam Daqmey law' poSmoHmeH DuQlu'law'pu'. pubmeH 'un qoDDaq QammeH wa'
'uS neH lo' mIvHomvam. 'och chong ngaS 'uSvam.  pubmeH 'un qoDDaq bIQ je vIlan
'ej tuj vIchu'.

pubchoHDI' bIQ, 'och chong qoDDaq Sal bIQ.  'och DungDaq mej bIQ 'ej pum.
qa'vIn qurgh vIghorchu'pu'bogh yIQmoH pubtaHbogh bIQ.  latlh bIQDaq pum qa'vIn
taS, 'ej qaSqa' Hoch. 

HoSchoHpu'DI' taS, mIw vIbaq 'ej qa'vIn vItlhutlh.  vItIvqu' !!  mIwvam
vIchupqu'.

--jey'el   



Back to archive top level