tlhIngan-Hol Archive: Mon Jan 04 19:51:11 1999
[Date Prev][Date Next][Thread Prev][Thread Next]
Re: My chance to make mistakes
- From: "William H. Martin" <[email protected]>
- Subject: Re: My chance to make mistakes
- Date: Mon, 4 Jan 1999 22:50:39 -0500 (Eastern Standard Time)
- Priority: NORMAL
On Thu, 31 Dec 1998 00:59:24 -0800 (PST) [email protected]
wrote:
> veng DenverDaq tlhIngan Hol QISmaS bommey DIbompu'
> veSqa' tuq maH
> jeSpu' tlhIngan HIpmey tuQbogh wa'maH cha' nuvpu'
wanI' botIv 'e' vItul.
> Qe'mey law' DI'elpu'
> 'ej HeDaq mayIttaHvIS DIbompu'
SuchuSchu' 'e' vIpIH. Su'ey.
> wa' bom wIbompu'DI' reH majach Qapla' QISmaS yItIv
wa' bom le' neH bobompu'DI' Sujach pagh Hoch bom bobompu'DI'
Sujach. vIloylaHchu'be'. yIwIv.
> matlhaQ 'e' luQublaw' ghotpu' 'ach maSaHbe'
maj. SutlhaQqangbe'chugh vaj yInrajmey botIvlaHbe'.
> Daq QavDaq Sut Huj tuQbogh loD pI' wIqIHpu'
Supawpa' boqIHpu''a'? nuqDaq boqIH?
> Doq SutDaj 'ej chISchu' Sut HeHmey
> chISqu' rolDaj lochDaj je
nuvvam vIghovlaH 'e' vIpIH. Soch Ha'DIbaH 'emDaq puv. puvmoH
Ha'DIbaHmeyvam.
> rurwI' qonmeH boQDaj DeSDu'Daj DungDaq ba' ghomma' 'e' tlhob ghaH
*Kinky*law'.
> vaj maHeQ 'ej Quch Hoch
chaq Su*kinky* je.
> jajvetlh tlhIngan Hol navmey let vIqenq
nuH le' bIH'a'? bojaD'a'? jej'a'?
> qoDDaq tlhIngan QIm ngaSbogh wornagh wa' Sar vutmeH mIw vIqonta'
wa' Segh wornagh Davut 'e' vIpIH. loQ mumISmoHpu' mu'meyvam.
nIm QIm HIq je ngaS wornaghvam 'e' vIpIH.
> ghotpu'vaD navmeyvam vInob
> rut navmey let vIngev 'ach ramvam tlhab bommey navmey je
QInvam vItIvqu' 'ach *tlhab* Dalo'Ha'qu' 'e' vIpIH. bommey
navmey DIlnISbe'lu' 'e' vIpIH. tlhabchugh vaj lujonbe'lu' 'ej
Hevbe'lu'. lenglaH'a' navmeyvam?
wanI'vam DatIvba'mo' jIQuchqu'.
> peHruS
charghwI' 'utlh