tlhIngan-Hol Archive: Fri Feb 12 10:49:44 1999

Back to archive top level

To this year's listing



[Date Prev][Date Next][Thread Prev][Thread Next]

qep'a' pa' qoch vInej



wej ben, cha' ben, wa' ben je qep'a'Daq jIjaHDI' mutlhej qorDu'wIj.
pIm DISvam.  June Las Vegas-Daq ghommo' tuqwIj, pa' Suchta' qorDu' 
qaSpa' qep'a'.  vaj nIteb qep'a' vIlengrup.  DaH pa' qoch vIpoQ.

loD jIH.  bISaHbe'chugh SoH jISaHbe' jIH, 'ach chaq SaHmo' nugh 
loD SoH je net maS.  (jIchopbe'.  qachop DaneHchugh, jIchopQo'.)

roD po jISay'eghmoH.  ghaytan 'eq vemta'ghachwIj.  reH nIQ vISop.
rut paSqu' QongchoHghachwIj.  qaStaHvIS vagh jaj, jIQongnISchu'be'.

tlhIngan Hol vIjatlhrupchu'.  qaSbe'chugh chach, ghaytan tlhIngan Hol
neH vIjatlh 'e' vInID.  (toH, be'nalwI' vIrI'taHvIS, jImevqangba'.)

chu'wI' vIcherghlaH, 'ach QInwIj Dayajbe'chugh, qamoghmoHbej. 
'utqu'be'ba' jatlhwI' po', 'ach qaqbej.

SuH: tlhIch vItuch.  muD watlh pa' vItlhob 'e' vInab.

pa' qoch vIneH.  Sapqang'a' 'Iv?  jIH HIjang: [email protected]

-- ghunchu'wI'



Back to archive top level