Re:SengwIj

["nuvnov"<nuvnov@bol.com.br>]

Do'Ha' pIjHa' jIrarlaH. ghomDaq tulajmo' jIQuchqu'. 
 latlh pong vIlo'mo' tughovbe'ba'. wen puS ghomvam 
 vImuv, 'ach Do'Ha' pong teH vIlo'laHbe'. pongvam 
 vIlo'taHvIS jIvItlaH 'ej jI'IllaH. ghomvamDaq 
 vengwIjvo' SaH wa' jupwI' 'ej vIghovlu' wej vIneH. poH 
 pup 'oHbe'. wa' mu' muj vIghItlh. <<jIQuptaHvIS>> 
 vIghItlh, 'ach jIQuptaH. wa'maH chorgh ben jIboghpu. 
 mu'vam vIghItlhtaHvIS, <<jIQupqu'taHvIS>>, 
 <<jImachqu'taHvIS>> joq vIHech. jIQup 'ej jImIS, 'ach 
 jIloSchugh chaq Dub Dochmey. 'ach nom jIqanchoHlaHmo' 
 tlhoy jIloSQo'. waQ puS DuSaQ'a'Daq jIHaDchoH 'e' 
 vInID, 'ej vI'ellaHchugh, Do' latlh veng vIDabchoH 'ej 
 loQ vItlhabchoH. DaH, DuSaQ'a' vI'elmeH jIHaDqu'laH 
 neH. yap 'e' vIHar. mach 'ej Dal veng vIDabbogh. luDab 
 chorghnetlh nuvpu' neH. ngo'qu' qechmeychaj. veng 
 luDabbogh wa'maH Soch 'uy' nuvpu' vIDabpu' 'ej pImqu' 
 bIH 'e' vIjatlhlaH. qaStaHvIS yInwIj naQ, vengvam 
 vIDabchugh, QIt jIHoH'eghchu'taH. jIQap 'e' vItul, 'ach 
 tugh jIQap 'e' tulbe'. Do' jIyIn wej 'e' vIbup, 'ej 
 jISIQtaH. chaq wa' jaj, yInwIj vIrachmoHlaH, 'ach jIloS 
 neH.
 
 
 ______________________________________________
 BRASIL ONLINE 
 Todo brasileiro tem direito a um e-mail grátis
 http://www.bol.com.br