tlhIngan-Hol Archive: Mon Dec 06 14:34:24 1999

Back to archive top level

To this year's listing



[Date Prev][Date Next][Thread Prev][Thread Next]

Re: QISmaS (was RE: RE: Samhain [Off Topic] (was:RE: qISmaS) [veering back on topic])



On Fri, 3 Dec 1999 15:00:01 -0700  "Andeen, Eric" 
<[email protected]> wrote:

> jIja':
> 
> >> Dajbej tera'ngan lalDan yupma', qar'a'?
> 
> jang charghwI':
> > Hujbej. Daj'a'? jISovbe'. jIHvaD Dajbe' 'ach taQqu'.
> 
> taQqu'chugh vay' 'ej SIQnISlu'be'chugh, vaj roD tlhaQqu'. 'ach
> SIQnISlu'chugh, vaj roD taQ neH.

vISIQbej. taQ neH.
 
> >> law'bej, 'ej Hujqu' 'op tIghchaj. Christmas 
> >> lopmeH, pIvtaHbogh Sor pe'lu'chu' 'ej juH 
> >> qoDDaq lanlu'.
> 
> > juH qoDDaq lam luneHbe'. gheymey neHbe'. Ha'DIbaHmey 
> > neHbe'. 'ach wa' Sor neH.
> 
> ghewmey neHbe'bej, 'ach rut Sor lutlhej ghewmey. rut bortaSHom chav Sor.

qechvam vIparHa'.
 
> >> QIt Heghba' Sorvam, 'ach SaHbe'law' pe'wI'pu'.
> 
> > Sor lujoy'. Sorvo' nobmey poQ. voHDajbo'Hey 'oH. 
> > nobmey nge'DI' Sor luwoD.
> 
> Sor yIn lunatlh, 'ej meqna' luHutlh. vIttlhegh <Ha'DIbaH DaSop 'e'
> DaHechbe'chugh yIHoHQo'> luSovbe'law'taH.

bIqar.
 
> >> Sorchaj luneH neH. 'IHmoHlaw'meH,
> >> SorDaq 'aH law' lulan.
> > 
> > <<lulan>>?
> 
> This brings up an interesting question. Is <'aH> inherently plural, like its
> English translation. If so, then <lulan> is correct.

bIqar.
 
> > > roD 'oHDaq wovwI'Hommey lulan.
> > 
> > <<lulan>>?
> 
> DaH bIlughba'. wa' He ghoSchoH yabwIj, 'ej wa' He neH ghoS neH.
> 
> > > rut weQmey mach lulan,
> > 
> > <<lulan>>?
> > 
> > > 'ach Qoblaw'mo' tIghvam, lojchoHlI'.
> 
> > wejpuH. ghu' Qob luHaj Hoch tera'nganpu' net Sov.
> 
> rInpa' vatlh DIS poH veb, ghaytan vay' je'lu'DI', Doch'e' mach law',
> ghuHmoHbogh navmey mach puS.

nuqjatlh? tlhoS qayaj 'e' vIpIH 'ach jISovbe'. "Warning label" 
tIn DaDel'a'?

> chovnatlh vIchup: <Dochvam Dalo'taHvIS, DuDuQ
> ret'aqmey 'e' yIchaw'Qo'. jejbe' 'ej mach, 'ach bIDo'Ha'chu'chugh chaq
> DuHoH>; <bIchechtaHvIS qoj bIDoy'taHvIS ghItlhwI'vam yIlo'Qo'.
> bIyepHa'chugh, chaq nItlhDu'lIj, nItlhpachDu'lIj joq DanguvHa'moH>.

DaH ghaytan qayaj.
 
> >> Sor bIngDaq nobmey lulan.
> > 
> > <<lulan>>?
> > 
> >> roD 'op nob Hev Hoch, 'ach reH nob law' Hevlaw' puqpu', 
> >> 'ej puqpu'vaD potlhqu'law' tIghvam.
> > 
> > qut.
> 
> jISaHbe'. puq jIHbe' 'ej puq vIghajbe', vaj puq vIbuSHa'.

majQa'.
 
> >> Do' qaStaHvIS lopmeH poH (wa' jaj neH 'oH yupma'na', 
> >> 'ach nI'bej lopmeH poH naQ)
> > 
> > je'meH poH Dachelba'.
> 
> DIS Hoch 'oH je'meH poH rut 'e' vIQub.
> 
> >> qaS *football* Quj'a'mey law'. tlhoS Qujvam tIvlaH 
> >> tlhIngan: loQ may' rur. Doghbej Quj chutmey, 'ach 
> >> ral Quj 'ej 'Iw tujmoH.
> > 
> > ngajqu' may'mey. ghIq maloS. taghDI' Quj maloS. DoS 
> > pupruptaHvIS QujwI' maloS. DoS pupDI' puvtaHvIS DoS 
> > qet QujwI'pu'. DoS jon wa' QujwI' 'ej qeng. luHIv 
> > latlh. pumDI' qengwI' mev Hoch. maloS. QotHa' Hoch. 
> > maloS. QIt yIt Hoch. maloS. QIt ghom Hoch. maloS. 
> > nabchoH ghommey. maloS. ghobchuqrup ghommey. maloS. 
> > jach wa' QujwI'. maloS. poSDaq jaghpu' nej. maloS. 
> > nIHDaq jaghpu' nej. maloS. jachqa'. maloS. jachqa'. 
> > maloS. pay' Suv. qaStaHvIS jav lup, DoS lujaD 'ej 
> > qet Hoch. ghIq maloSqa'. DoS Quv juv. maloS.
> > 
> > Qujvam vItIvbe'. ghobchuqlI'ghach vIloSqangbe'.
> 
> jIja' <*tlhoS* Qujvam tIvlaH tlhIngan>. tera'Daq tlhIngan ghImlu'chugh 'ej
> yupma' poH SIQnISchugh, vaj chaq Hoch natlh HoS *football* Quj natlh puj.
> ghaytanHa' may'na' SuvlaHmo' tlhIngan qoj bejlaHmo', chaq may'qoq law'
> bejlaHchugh loQ yonHa'laHchu'be'.

wej mubelmoHlaH Qujvam.
 
> >> p.s. The preceding was intented as a (mostly) 
> >> humorous view of the the holiday season (mostly 
> >> Christmas) in modern American life from a Klingon
> >> perspective, and (mostly) does not reflect my own 
> >> human views on the subject. 'ej Dumaw'chugh, 
> >> yIlaDQo'.
> 
> > Dumaw'chugh? pagh QoghIj nIH 'Iv?
> 
> reH latlh qabDaq qul tuj law' Hoch tuj puS. <maw> vIHechba'.

DaH jIyaj.
 
> > QISmaS vImuS. wagh. HeDaq muqev Hoch. SuyDaq muqev Hoch. 
> > Dat moH QoQ. QIp bommey. qorDu' lop Hoch 'ach qorDu' 
> > vIHutlh. SoS be'nI' je vIghaj 'ach qorDu'qoq neH 
> > wIchenmoHlaw'. bang ghaj SoSwI' 'ej parmaqqay ghaj 
> > be'nI'wI'. nIteb jIHtaH.
> > 
> > nIteb jIQuch. QoQ 'ey vImuch. ngemDaq jIyIt. juHwIj 
> > vItIvchu'. 'ach QISmaS vImuS.
> 
> vuDlIj DaQIjmeH bIpo'ba' 'ej tlhIngan Hol Dalo'mo' qanaD. DaH jIvIt jIH: loQ
> QISmaS poH vItIv, 'ach vISaHqu'be'. juHwIj Qorwaghvo' veng wovwI'mey
> vIleghlaH 'ej qaStaHvIS poHvam 'IHqu'choH.

DubelmoHmo' ghu'vam jIQuch. mubelmoHbe' ghu'vam.

> HoS law'qu' lunatlh 'e' vIpar
> 'ach vIbej 'e' vItIv. ghom qorDu'wIj 'ej Such be'nalwI' qorDu', 'ach le'be'
> wanI'vam: pIj maQum 'ej pIj maSuchchuq. vagh vumbe'meH jajmey le' vItIvbej.
> QISmaS lalDan vIpabbe', 'ej roD vIbuSHa' neH. loQ poHvam vItIv 'ach
> vISaHqu'be'.

bIbelmeH yItlhab. 
 
> pagh 

charghwI'



Back to archive top level