tlhIngan-Hol Archive: Fri Dec 03 13:58:47 1999
[Date Prev][Date Next][Thread Prev][Thread Next]
QISmaS (was RE: RE: Samhain [Off Topic] (was:RE: qISmaS) [veering back on topic])
- From: "Andeen, Eric" <[email protected]>
- Subject: QISmaS (was RE: RE: Samhain [Off Topic] (was:RE: qISmaS) [veering back on topic])
- Date: Fri, 3 Dec 1999 15:00:01 -0700
jIja':
>> Dajbej tera'ngan lalDan yupma', qar'a'?
jang charghwI':
> Hujbej. Daj'a'? jISovbe'. jIHvaD Dajbe' 'ach taQqu'.
taQqu'chugh vay' 'ej SIQnISlu'be'chugh, vaj roD tlhaQqu'. 'ach
SIQnISlu'chugh, vaj roD taQ neH.
>> law'bej, 'ej Hujqu' 'op tIghchaj. Christmas
>> lopmeH, pIvtaHbogh Sor pe'lu'chu' 'ej juH
>> qoDDaq lanlu'.
> juH qoDDaq lam luneHbe'. gheymey neHbe'. Ha'DIbaHmey
> neHbe'. 'ach wa' Sor neH.
ghewmey neHbe'bej, 'ach rut Sor lutlhej ghewmey. rut bortaSHom chav Sor.
>> QIt Heghba' Sorvam, 'ach SaHbe'law' pe'wI'pu'.
> Sor lujoy'. Sorvo' nobmey poQ. voHDajbo'Hey 'oH.
> nobmey nge'DI' Sor luwoD.
Sor yIn lunatlh, 'ej meqna' luHutlh. vIttlhegh <Ha'DIbaH DaSop 'e'
DaHechbe'chugh yIHoHQo'> luSovbe'law'taH.
>> Sorchaj luneH neH. 'IHmoHlaw'meH,
>> SorDaq 'aH law' lulan.
>
> <<lulan>>?
This brings up an interesting question. Is <'aH> inherently plural, like its
English translation. If so, then <lulan> is correct.
> > roD 'oHDaq wovwI'Hommey lulan.
>
> <<lulan>>?
DaH bIlughba'. wa' He ghoSchoH yabwIj, 'ej wa' He neH ghoS neH.
> > rut weQmey mach lulan,
>
> <<lulan>>?
>
> > 'ach Qoblaw'mo' tIghvam, lojchoHlI'.
> wejpuH. ghu' Qob luHaj Hoch tera'nganpu' net Sov.
rInpa' vatlh DIS poH veb, ghaytan vay' je'lu'DI', Doch'e' mach law',
ghuHmoHbogh navmey mach puS. chovnatlh vIchup: <Dochvam Dalo'taHvIS, DuDuQ
ret'aqmey 'e' yIchaw'Qo'. jejbe' 'ej mach, 'ach bIDo'Ha'chu'chugh chaq
DuHoH>; <bIchechtaHvIS qoj bIDoy'taHvIS ghItlhwI'vam yIlo'Qo'.
bIyepHa'chugh, chaq nItlhDu'lIj, nItlhpachDu'lIj joq DanguvHa'moH>.
>> Sor bIngDaq nobmey lulan.
>
> <<lulan>>?
>
>> roD 'op nob Hev Hoch, 'ach reH nob law' Hevlaw' puqpu',
>> 'ej puqpu'vaD potlhqu'law' tIghvam.
>
> qut.
jISaHbe'. puq jIHbe' 'ej puq vIghajbe', vaj puq vIbuSHa'.
>> Do' qaStaHvIS lopmeH poH (wa' jaj neH 'oH yupma'na',
>> 'ach nI'bej lopmeH poH naQ)
>
> je'meH poH Dachelba'.
DIS Hoch 'oH je'meH poH rut 'e' vIQub.
>> qaS *football* Quj'a'mey law'. tlhoS Qujvam tIvlaH
>> tlhIngan: loQ may' rur. Doghbej Quj chutmey, 'ach
>> ral Quj 'ej 'Iw tujmoH.
>
> ngajqu' may'mey. ghIq maloS. taghDI' Quj maloS. DoS
> pupruptaHvIS QujwI' maloS. DoS pupDI' puvtaHvIS DoS
> qet QujwI'pu'. DoS jon wa' QujwI' 'ej qeng. luHIv
> latlh. pumDI' qengwI' mev Hoch. maloS. QotHa' Hoch.
> maloS. QIt yIt Hoch. maloS. QIt ghom Hoch. maloS.
> nabchoH ghommey. maloS. ghobchuqrup ghommey. maloS.
> jach wa' QujwI'. maloS. poSDaq jaghpu' nej. maloS.
> nIHDaq jaghpu' nej. maloS. jachqa'. maloS. jachqa'.
> maloS. pay' Suv. qaStaHvIS jav lup, DoS lujaD 'ej
> qet Hoch. ghIq maloSqa'. DoS Quv juv. maloS.
>
> Qujvam vItIvbe'. ghobchuqlI'ghach vIloSqangbe'.
jIja' <*tlhoS* Qujvam tIvlaH tlhIngan>. tera'Daq tlhIngan ghImlu'chugh 'ej
yupma' poH SIQnISchugh, vaj chaq Hoch natlh HoS *football* Quj natlh puj.
ghaytanHa' may'na' SuvlaHmo' tlhIngan qoj bejlaHmo', chaq may'qoq law'
bejlaHchugh loQ yonHa'laHchu'be'.
>> p.s. The preceding was intented as a (mostly)
>> humorous view of the the holiday season (mostly
>> Christmas) in modern American life from a Klingon
>> perspective, and (mostly) does not reflect my own
>> human views on the subject. 'ej Dumaw'chugh,
>> yIlaDQo'.
> Dumaw'chugh? pagh QoghIj nIH 'Iv?
reH latlh qabDaq qul tuj law' Hoch tuj puS. <maw> vIHechba'.
> QISmaS vImuS. wagh. HeDaq muqev Hoch. SuyDaq muqev Hoch.
> Dat moH QoQ. QIp bommey. qorDu' lop Hoch 'ach qorDu'
> vIHutlh. SoS be'nI' je vIghaj 'ach qorDu'qoq neH
> wIchenmoHlaw'. bang ghaj SoSwI' 'ej parmaqqay ghaj
> be'nI'wI'. nIteb jIHtaH.
>
> nIteb jIQuch. QoQ 'ey vImuch. ngemDaq jIyIt. juHwIj
> vItIvchu'. 'ach QISmaS vImuS.
vuDlIj DaQIjmeH bIpo'ba' 'ej tlhIngan Hol Dalo'mo' qanaD. DaH jIvIt jIH: loQ
QISmaS poH vItIv, 'ach vISaHqu'be'. juHwIj Qorwaghvo' veng wovwI'mey
vIleghlaH 'ej qaStaHvIS poHvam 'IHqu'choH. HoS law'qu' lunatlh 'e' vIpar
'ach vIbej 'e' vItIv. ghom qorDu'wIj 'ej Such be'nalwI' qorDu', 'ach le'be'
wanI'vam: pIj maQum 'ej pIj maSuchchuq. vagh vumbe'meH jajmey le' vItIvbej.
QISmaS lalDan vIpabbe', 'ej roD vIbuSHa' neH. loQ poHvam vItIv 'ach
vISaHqu'be'.
pagh