Re: SengwIj

["William H. Martin" <whm2m@virginia.edu>]

On Fri, 3 Dec 1999 19:37:33 +-300 Carleton Copeland 
<copeland@eycis.com> wrote:

> nuvnov,
> 
> mumerbej QInlIj. tlhIngan Hol jabbI'IDghomDaq ghu'vam DISlu' 'e' vIpIHbe'. 
> SuvwI'na' ngaghlaH latlh SuvwI' 'e' yajlu'be'law'. jImujba'. <qaqeSlaHbe'> 
> Duja' ghunchu'wI' 'a DuqeSchu' 'e' vIHar: <qa'lIj DaSo'taHchugh, 
> bIHoH'eghlaw'taH 'e' rur. yIDa'eghchu'.> pIj qeSvam vIpabbe' 'a vInIDnIS. 
> HIqIm, jupwI': mumer QInlIj 'ej mubelmoH. ghomvamDaq bImobbe'. qarur. 'a 
> jIchoHlaHchugh, jIchoHbe'. jIchoHchu'chugh 'Iv vImoj? jIH jIHbe'law'.
> 
> ghunchu'wI' charghwI' je tIqIm!

chorI'law'.

> qaqeS 'e' vIngIl jIH je: Hoch jaghpu'lIj 
> DaHoHpa' yIHoH'eghQo'!

ghaytanHa' jIHoH'egh. jIghojta'. choyajHa'law'pu'.

> SoH SaHwI' tIqel je.

SaHwI' vIghajbe'. SaHwI'wI' jIH.

> bISawchugh be'nallIj 
> DaQuchHa'moHmo' bIquvHa'.

nuqjatlh? wej jISaw. ghaytan not jISaw. bang vIghajbe'. wa' 
vISuq? jISaHbe'. nIteb yInwIj vItIv.

> HochvaD 'ang'eghwI'pu' vIHo'bej 'ach DaDa 'e' 
> vIqeSlaHbe'. quvmoH yInvetlh 'a ngeDbe'. law' yajQo'wI'. 'utchu' 
> nIyajchu'bogh jup 'ej bang Datu'meH 'ebmey.

'utchu'be'. qaqba' 'ach 'utbe'. nIteb QuchlaH vay'. chaq bang 
qIHlu'. chaq not qIHlu'. qIHlu'chugh Dun. qIHbe'lu' qay'be'. 
ngaghmeH neH mabogh 'e' DaHar'a'? latlh Qu'mey DItoy'laH.

> pe'vIl DaSuqmeH yIvang! latlh 
> veng DaDabnISchoHchugh, yIruch! chaq bIjaqnIS, 'a tIqlIj ju'angpu'taHvIS 
> bIjaq 'e' Datobpu'.

yaHwIj vIparHa'. jIltheD vIneHbe'. chora'laHbe'. 
choyajlaHbe'law'. wa' Qu' neH Datoy'laHlaw'. mapIm 'e' yIlaj.
 
> QInmey HIngeH! jISaH.

loQ bISaH neH. choSovbe'. choyajbe'.
 
> qa'ral

charghwI'