Re: SengwIj

[Carleton Copeland <copeland@eycis.com>]

nuvnov,

mumerbej QInlIj. tlhIngan Hol jabbI'IDghomDaq ghu'vam DISlu' 'e' vIpIHbe'. 
SuvwI'na' ngaghlaH latlh SuvwI' 'e' yajlu'be'law'. jImujba'. <qaqeSlaHbe'> 
Duja' ghunchu'wI' 'a DuqeSchu' 'e' vIHar: <qa'lIj DaSo'taHchugh, 
bIHoH'eghlaw'taH 'e' rur. yIDa'eghchu'.> pIj qeSvam vIpabbe' 'a vInIDnIS. 
HIqIm, jupwI': mumer QInlIj 'ej mubelmoH. ghomvamDaq bImobbe'. qarur. 'a 
jIchoHlaHchugh, jIchoHbe'. jIchoHchu'chugh 'Iv vImoj? jIH jIHbe'law'.

ghunchu'wI' charghwI' je tIqIm! qaqeS 'e' vIngIl jIH je: Hoch jaghpu'lIj 
DaHoHpa' yIHoH'eghQo'! SoH SaHwI' tIqel je. bISawchugh be'nallIj 
DaQuchHa'moHmo' bIquvHa'. HochvaD 'ang'eghwI'pu' vIHo'bej 'ach DaDa 'e' 
vIqeSlaHbe'. quvmoH yInvetlh 'a ngeDbe'. law' yajQo'wI'. 'utchu' 
nIyajchu'bogh jup 'ej bang Datu'meH 'ebmey. pe'vIl DaSuqmeH yIvang! latlh 
veng DaDabnISchoHchugh, yIruch! chaq bIjaqnIS, 'a tIqlIj ju'angpu'taHvIS 
bIjaq 'e' Datobpu'.

QInmey HIngeH! jISaH.

qa'ral