tlhIngan-Hol Archive: Wed Aug 18 20:26:56 1999
[Date Prev][Date Next][Thread Prev][Thread Next]
Shabbat (was Re: Qe' chu' vItu')
ja' charghwI':
>> 'ej Shabbat 'uQ wIlopmeH, 'uQ wISopnISba'.
>
>tayvam vIyajbe'.
vaj vIQIj 'e' vInID. "Bible" mu'mey vIjatlh 'e' yIchaw'.
ja' "Genesis": qo' chenmoHmeH jav jaj poQ chenmoHwI''a'.
rInDI' qa'vam, jaj Soch leS chenmoHwI''a'. vaj chen lurDech:
jaj SochDIch leS Hoch net pIH. jajvamvaD "Sabbath" "Shabbat"
joq ponglu'.
"Exodus"-Daq wa'maH chut'a' luqonlu'. ra' wa' chut'a':
Shabbat jaj boquvmoHmeH boqawtaHvIS, qaStaHvIS jav jaj Sulop 'ej
Suvum. 'ach joH'a'ra' Shabbat 'oH jaj SochDIch'e'. Suvumbe'nIS
tlhIH, puqloDpu'ra', puqbe'pu'ra', toy'wI'pu'ra', Ha'DIbaHmeyra',
lISuchlI'bogh novpu' je. qaStaHvIS jav jaj 'u' qo' je chenmoH
jH'a; bIQ'a'mey, Hoch ngaSbogh 'oH je chenmoH je; jaj SochDIch
leSchoH. vaj Shabbat jaj naDchu' jH'a 'ej quvchoHmoHchu'.
vaj loQ chut'a'vam pab qorDu'wIj. maleSchu'be' 'ach jaj wIqawbej.
'uQ SeQ wIlop. cha' weQmey DImeQmoHtaHvIS chenmoHwI''a' wInaD.
HIq wItlhutlhtaHvIS chenmoHwI''a' wInaD. tIr wISopchoHtaHvIS
chenmoHwI''a' wInaD. maSopta'DI' chenmoHwI''a' wItlho' 'ej wInaD.
qaStaHvIS Shabbat, QI'tu' mach wIlop.
'ej rut rIntaHvIS Shabbat, tay le' wItIv: Havdalah ponglu'.
<chev> 'oS pong. jaj le', jaj motlh je chev.
-- ghunchu'wI' 'utlh