tlhIngan-Hol Archive: Wed Aug 18 20:41:28 1999
[Date Prev][Date Next][Thread Prev][Thread Next]
Shabbat (was Re: Qe' chu' vItu')
On Wed, 18 Aug 1999 22:28:38 -0500 Alan Anderson
<[email protected]> wrote:
> ja' charghwI':
> >> 'ej Shabbat 'uQ wIlopmeH, 'uQ wISopnISba'.
> >
> >tayvam vIyajbe'.
>
> vaj vIQIj 'e' vInID. "Bible" mu'mey vIjatlh 'e' yIchaw'.
wejpuH. tlhIngan Hol vIyajlaH. paqvetlh mu'mey vIyajlaHbe'.
> ja' "Genesis": qo' chenmoHmeH jav jaj poQ chenmoHwI''a'.
> rInDI' qa'vam, jaj Soch leS chenmoHwI''a'. vaj chen lurDech:
> jaj SochDIch leS Hoch net pIH. jajvamvaD "Sabbath" "Shabbat"
> joq ponglu'.
Daj lengmeH "h" mIw. jolpat lo''a'?
> "Exodus"-Daq wa'maH chut'a' luqonlu'. ra' wa' chut'a':
>
> Shabbat jaj boquvmoHmeH boqawtaHvIS, qaStaHvIS jav jaj Sulop 'ej
> Suvum. 'ach joH'a'ra' Shabbat 'oH jaj SochDIch'e'. Suvumbe'nIS
> tlhIH, puqloDpu'ra', puqbe'pu'ra', toy'wI'pu'ra', Ha'DIbaHmeyra',
> lISuchlI'bogh novpu' je. qaStaHvIS jav jaj 'u' qo' je chenmoH
> jH'a; bIQ'a'mey, Hoch ngaSbogh 'oH je chenmoH je; jaj SochDIch
> leSchoH. vaj Shabbat jaj naDchu' jH'a 'ej quvchoHmoHchu'.
Dojchu'neS laHlIj. <<jH'a>> [I'm speechless.]
> vaj loQ chut'a'vam pab qorDu'wIj. maleSchu'be' 'ach jaj wIqawbej.
> 'uQ SeQ wIlop. cha' weQmey DImeQmoHtaHvIS chenmoHwI''a' wInaD.
> HIq wItlhutlhtaHvIS chenmoHwI''a' wInaD. tIr wISopchoHtaHvIS
> chenmoHwI''a' wInaD. maSopta'DI' chenmoHwI''a' wItlho' 'ej wInaD.
> qaStaHvIS Shabbat, QI'tu' mach wIlop.
vuvlu'DI' le'choH ghu'.
> 'ej rut rIntaHvIS Shabbat, tay le' wItIv: Havdalah ponglu'.
> <chev> 'oS pong. jaj le', jaj motlh je chev.
>
> -- ghunchu'wI' 'utlh
bIQIjmo' qatlho'.
charghwI' 'utlh