tlhIngan-Hol Archive: Wed Aug 11 20:59:27 1999
[Date Prev][Date Next][Thread Prev][Thread Next]
Re: muSuch tlhIngan Hol jatlhwI'
- From: "William H. Martin" <[email protected]>
- Subject: Re: muSuch tlhIngan Hol jatlhwI'
- Date: Thu, 12 Aug 1999 00:02:02 -0400 (Eastern Daylight Time)
- In-Reply-To: <[email protected]>
- Priority: NORMAL
wa'maH cha'Hu' jImI'meH vaS vISuch. pa' nav munob jupwI'.
mu'ja' <<*Logban* qepDaq juplI' vIqIH.>> navDaq jIHvaD QIn
ghItlhpu' *Nick*. loQ Huj QInvam. jatlh:
****************************************************************
jupna',
jIQoS, qaleghbe'mo' qaStaHvIS qep'a', 'a jIQuch juplI' vIqIHmo'
'ej nem qalegh 'e' vItul.
***************************************************************
'ay vebDaq pIqaD lo' 'ach ghItlhmeH ghop lo'mo' vIlaDlaHchu'be'.
jatlhlaw':
<<Qapla' jupwI'! nIchHon>>
*romanized letters* lo'qataHvIS jatlh: <<pItlh>>
DaH jImIS. qep'a'Daq maja'chuqbej nIchon jIH je. munaD 'e'
vInajbe'law'. vIqawchu'. chaq ngeD mulIjmeH Qu'.
'e' Harba' be'pu'.
qay'be'. jImob reH 'e' vISIQqang. vIlIjlu'chugh jISaHbe'.
charghwI' 'utlh
On Wed, 11 Aug 1999 10:37:12 -0700 (PDT) Robyn Stewart
<[email protected]> wrote:
> wa'Hu' ram muSuch Nick Nicholas. qep'a' javDIchDaq maqIHchuqpu', 'ach
> pa' loQ majatlh. Hoghvam VancouverDaq ghaHtaHmo' Nick'e' maghommeH 'eb
> wIjon. veng joghwIj jaHmeH lupwI' lIgh Nick. maSopmeH *Newfoundland*
> Qe' wIwIv. Qe'Daq bIQDep wISop 'ej qaStaHvIS jav rep maba'taH 'ej
> majatlhtaH. ram vItIvqu'. tlhIngan Hol jatlhwI' po' ghaH Nick'e' 'ach
> rut Huj QIchDaj. <H>, <Q>, <q> je qIpqu'be' 'ej loQ <o> <a> <I> <u>
> <e> DuDlaw'. nIteb tlhIngan Hol ghojba'. latlh jatlhwI'pu' qIHpa',
> jatlhlu'meH Hugh nISnISlu' 'e' Harbe' 'e' chID. rut jIjatlhDI' Hagh
> 'ej jatlh "<Q> Dajatlhbej!" tlhIngan Hol, DIvI' Hol je wIjatlh.
> Sutmey motlh wItuQmo' 'ej VancouverDaq maHtaHmo' Holvetlh nov
> majatlhtaHvIS nubejchoHlaw' pagh. tera' Holmey tIghmey law' wIqel.
> SutDI' chaq Saturday maghomqa'.
>
> SKI: Qov meets Nick.
>
> ===
> Qov - pab 'utlh
>
>
>
>
>
> _________________________________________________________
> Do You Yahoo!?
> Get your free @yahoo.com address at http://mail.yahoo.com
>
Will Martin
UVA ITC Computer Support Services