tlhIngan-Hol Archive: Wed Aug 11 10:38:39 1999
[Date Prev][Date Next][Thread Prev][Thread Next]
muSuch tlhIngan Hol jatlhwI'
- From: Robyn Stewart <[email protected]>
- Subject: muSuch tlhIngan Hol jatlhwI'
- Date: Wed, 11 Aug 1999 10:37:12 -0700 (PDT)
wa'Hu' ram muSuch Nick Nicholas. qep'a' javDIchDaq maqIHchuqpu', 'ach
pa' loQ majatlh. Hoghvam VancouverDaq ghaHtaHmo' Nick'e' maghommeH 'eb
wIjon. veng joghwIj jaHmeH lupwI' lIgh Nick. maSopmeH *Newfoundland*
Qe' wIwIv. Qe'Daq bIQDep wISop 'ej qaStaHvIS jav rep maba'taH 'ej
majatlhtaH. ram vItIvqu'. tlhIngan Hol jatlhwI' po' ghaH Nick'e' 'ach
rut Huj QIchDaj. <H>, <Q>, <q> je qIpqu'be' 'ej loQ <o> <a> <I> <u>
<e> DuDlaw'. nIteb tlhIngan Hol ghojba'. latlh jatlhwI'pu' qIHpa',
jatlhlu'meH Hugh nISnISlu' 'e' Harbe' 'e' chID. rut jIjatlhDI' Hagh
'ej jatlh "<Q> Dajatlhbej!" tlhIngan Hol, DIvI' Hol je wIjatlh.
Sutmey motlh wItuQmo' 'ej VancouverDaq maHtaHmo' Holvetlh nov
majatlhtaHvIS nubejchoHlaw' pagh. tera' Holmey tIghmey law' wIqel.
SutDI' chaq Saturday maghomqa'.
SKI: Qov meets Nick.
===
Qov - pab 'utlh
_________________________________________________________
Do You Yahoo!?
Get your free @yahoo.com address at http://mail.yahoo.com