tlhIngan-Hol Archive: Thu Aug 05 18:22:43 1999
[Date Prev][Date Next][Thread Prev][Thread Next]
tlhabHey
- From: [email protected] (Christiane Scharf)
- Subject: tlhabHey
- Date: Fri, 6 Aug 1999 02:39:37 +0200
beb Hutlhbogh yavDuj ghaj jupwI' jup. veng Hop Dab ghaH, 'ach Hu' puS jupwI'
Such. yavDujDaj le' qoDDaq maleng. lengvam vIDelmeH mu'mey puS vIlo'.
mu'tlheghmey tIn vIqon vIneHbe' 'ej vIqonnISbe'ba'. naDev DuQbogh mu'mey
HoSghaj HoS Delbogh mu'tlheghmey HoSghaj puj.
ram
maH DungDaq wov Hovmey
Doq maS 'ej tIn
Sumqu'law'
vIjonlaHlaw'
tlhuHmoHchu' muD bIr
qu' SuS
DIrwIj qotlh
jIbwIj joqmoHchu'
nom puvlaw' puH
mapuvlaw' maH je
tlhab vIlarghlaHlaw'
SKI: HovqIj wants a convertible, too. And yes, the moon WAS {Doq}.
HovqIj