tlhIngan-Hol Archive: Wed Apr 21 11:30:57 1999
[Date Prev][Date Next][Thread Prev][Thread Next]
muD Duj
- From: Robyn Stewart <[email protected]>
- Subject: muD Duj
- Date: Wed, 21 Apr 1999 11:30:57 -0700 (PDT)
tuSovchugh, reH jIchegh 'e' boSov. tuSovbe'chugh, HIqIH. jIqeqmeH
jIchegh. jIQaghchugh pagh mu' pup vISovbe'law'chugh, HISovmoH.
muD DujwIj vIqelmeH mu'tay' vIghernIS. DIvI' Hol Duj mu'tay' vI'pu'
lurDech neH. *France* Hol lujatlhmo' puvwI'pu' wa'DIch, muD Duj
'ay'mey law' per *France* Hol. chaq tuboQqang: mu'tay' yIchup.
jItaghmeH wa' wanI' vIjatlh:
Duj mach (*Cessna 152*) vIpuvmoH. wej raQpo' vIHIj net chaw, 'ach
nIteb lengHommey Sar vIchavta'. Duj vIchIj 'ej DeghwI' jIH je. wa'
pem, DujDaq jImobtaHvIS, pe'vIl chuS Duj QumwI'. QapHa'choH 'ul pat
'e' vIHar. wejpuH. pIj QapHa' tu'HomIra'vetlh. jIqeqtaH. pay' 'eng
Hurghvo' nargh 'ul wov 'e' vIlegh. quq chal 'ul, QumwI' QapHa'ghachqoq
je. chal 'ul vIQoy. muvuQ. motlh chal 'ul leghlu'DI', Qoylu'pa',
qaStaHvIS tup puS 'IjnISlu'. 'ul Do tIn law' muD yu''egh Do tIn puS,
vaj SIbI' vIQoy.
munISbe' muD Dotlhvetlh. HeDlI' 'engmeyvetlh 'ej verghwIj vIghoSDI'
Huv chal.
raghba'pu' jatlhmeH laHwIj. mu'mey vIlIjpu'bogh vIjunnIS. botlhoj'a'?
mu'mey' vIqawHa'bogh boghov 'e' vIpIH.
SKI: Former BG Qov breaks months of silence to tell you of an
interesting incident in the air, to and solicit your help in
re-polishing rusted Klingon skills. What the heck is the word for "wait
(for)"? All I can think of is /zhdat'/. (Hi Voragh)
===
Qov - pab 'utlh
_________________________________________________________
Do You Yahoo!?
Get your free @yahoo.com address at http://mail.yahoo.com