tlhIngan-Hol Archive: Fri Apr 30 15:17:34 1999
[Date Prev][Date Next][Thread Prev][Thread Next]
Re: muD Duj
ja' Qov:
>tuSovchugh, reH jIchegh 'e' boSov. tuSovbe'chugh, HIqIH. jIqeqmeH
>jIchegh. jIQaghchugh pagh mu' pup vISovbe'law'chugh, HISovmoH.
maj, jupwI'. qaDwIj (Dachupbogh SoH) Dalajlaw'pu'. bIcheghta'mo' jIbelqu'.
>muD DujwIj vIqelmeH mu'tay' vIghernIS. DIvI' Hol Duj mu'tay' vI'pu'
>lurDech neH. *France* Hol lujatlhmo' puvwI'pu' wa'DIch, muD Duj
>'ay'mey law' per *France* Hol.
toH. not ngoDvam vItu'. "pitot" vISov, 'ach "aileron" "fuselage" je
vIqelpu'be'. "canard" ('et tel) Hutlh Cessna, 'ach mu'vetlh mung vISov.
>chaq tuboQqang: mu'tay' yIchup.
mu'mey lI' vIchupqangchu'. QuQ tel tlhuQ je lutu'lu'ba'.
<Saqjan> DaSov'a'? toQDuj DelwI'Daq tu'lu'.
narghbe'bogh Saqjanqoq ghaj Cessna 152 'e' vIpIH.
>jItaghmeH wa' wanI' vIjatlh:
>
>Duj mach (*Cessna 152*) vIpuvmoH.
Duj DaruQ neH. puvmoH telmey muD Do je 'e' vIHar.
>wej raQpo' vIHIj net chaw,...
jum mu'tlheghvam. quS 'ar ghaj DujlIj? :-)
ghaytan raQpo' DaHIj wej net chaw'.
>'ach nIteb lengHommey Sar vIchavta'. Duj vIchIj 'ej DeghwI' jIH je.
nIteb Hoch Qu'mey Data'taHvIS bImob. bIpo'ba'.
> wa'
>pem, DujDaq jImobtaHvIS, pe'vIl chuS Duj QumwI'. QapHa'choH 'ul pat
>'e' vIHar. wejpuH. pIj QapHa' tu'HomIra'vetlh.
pIj ghorbogh Duj Dalo'qang'a'? bImaw'law' jay'!
pIj QapHa'chugh Duj 'ul pat, Dujvetlh vIlIghQo' jIH.
chaq puvmeH Duj 'utqu'be' 'ul, 'ach QummeH DeghwI' 'ej chIjmeH potlhbej.
Dujvetlh QIv DalIghtaHvIS, SoH retlhDaq Sech yIpol!
> jIqeqtaH. pay' 'eng
>Hurghvo' nargh 'ul wov 'e' vIlegh.
>quq chal 'ul, QumwI' QapHa'ghachqoq je.
'ul wa'DIch Datu'be', qar'a'?
>chal 'ul vIQoy. muvuQ. motlh chal 'ul leghlu'DI', Qoylu'pa',
>qaStaHvIS tup puS 'IjnISlu'.
jevtaHvIS, motlh Se' QumwI' vIchu' 'ej jI'Ij. qaSDI' chal 'ul SIbI' vIQoy.
wanI'vam vItIv. mInDu'wIj vISoqmoHchugh 'ul wab je vIQoylaHtaH.
>'ul Do tIn law' muD yu''egh Do tIn puS,
>vaj SIbI' vIQoy.
'ul yu''egh Qoymo' QumwI', quq 'ul Qoybogh 'oH 'ul Daleghbogh SoH je.
>munISbe' muD Dotlhvetlh. HeDlI' 'engmeyvetlh 'ej verghwIj vIghoSDI'
>Huv chal.
maj. leghwI' leng chutmey neH DapablaH'a'?
SIStaHvIS bIpuvmeH 'ut janmey leng chutmey.
>raghba'pu' jatlhmeH laHwIj. mu'mey vIlIjpu'bogh vIjunnIS. botlhoj'a'?
> mu'mey' vIqawHa'bogh boghov 'e' vIpIH.
ghobe', bIjatlhchu'. raghba'be' laHlIj. QummeH Qu' DangeDmoHlaw'.
charghwI' Darur. wa' mu' DaghItlhHa' (chaw'), 'ej jum wa' mu'tlhegh,
'ach qechlIj Dalabchu'.
-- ghunchu'wI'