tlhIngan-Hol Archive: Mon Nov 30 13:38:23 1998
[Date Prev][Date Next][Thread Prev][Thread Next]
Re: muqaD ghu'wIj.
On Sun, 29 Nov 1998 20:05:17 -0800 (PST) Alan Anderson
<[email protected]> wrote:
> ja' charghwI':
> >muqaD ghu'wIj.
>
> ghu'lIj DaqaDrupmo', loQ nuje' yInlIj Qatlh.
> maHvaD bIqonqangmo' ghItlh Daj DIlaDlaH.
ghu' vIpIHbogh Qatlh law' ghu' vISamta'bogh Qatlh puS. po'bej
SoSwI' Qel chu' 'ej Qelvam voqlaw' SoSwI'. loQ mIS SoSwI' 'ach
wej maw'. Hergh chu'mo' ghaytan maw'choHbe'.
> batlh yIvang. 'oy' yISIQlI'; tugh 'oy'be'choHjaj.
> SoS maw' wej vISIQnIS vaj ghu'lIj vISovchu'be'.
> Heghpa' vavnI'wI', loQ maw'choH; "Alzheimer's" SIQ ghaH.
*Alzheimer's*mo' rop SoSwI' 'e' pIH QelDaj wa'DIch 'ach Herghmey
DuDHa'moH Qelvam. qaSpu'DI' jav jar maw', ngoDvam ghovchoH
QelDaj cha'DIch. HerghDaj choHmoH Qelvam 'ej maw'Ha'choH SoSwI'.
qaStaHvIS wa'maH chorgh jar, pIvlI' SoSwI', 'ach qaStaHvIS
jarvam, SabchoH. DaH ghaytan pIvchoHtaH.
> Sab yabDaj. Hoch'e' lIj. Heghpa' porgh, loj ghot.
> 'ach yoS Hop Dab; SabtaHvIS pIjHa' vISuch.
jIyajchu'. tIqvaD Qatlhqu' ghu'.
> 'ach ghu'lIj cha'DIch vIyajlaw'.
> motlh vangvIpwI' cherghlaHbe' vangrupchu'wI' 'e' vIHarbej.
> vaj bImotlhbe' chaq 'e' DanIDlaH.
wej ghu' vItoblaH. ghaytan juH chu' vIje'laHbe'. Huch yap
vIghajbe'. jIloSnIS. Huch vIpolnIS. nargh 'eb.
> >vaj chaq tugh jImobqa' 'ej maw'qa' SoSwI'. tugh jajmey le'
> >loplu'. wejpuH. jajmey motlh vImaS.
>
> "Chinese" mu'qaD vIqaw: Dajjaj poHlIj.
jIyajchu'.
> >qatlh napbe' yIn?
>
> yIn nap DaSuqmeH, yIn qetlh DaneH'a'? Dal pagh jagh.
choqawqa'mo' qatlho'. ghu'vam vISIQbej 'ej jInab. ghu'
vIchoHlaHbej 'ach latlh 'eb vIloSnIS.
> -- ghunchu'wI'
charghwI' 'utlh