tlhIngan-Hol Archive: Wed Nov 25 20:45:45 1998
[Date Prev][Date Next][Thread Prev][Thread Next]
Re: HoS Hal (was Re: Las VegasDaq ghom tlhInganpu')
- From: Alan Anderson <[email protected]>
- Subject: Re: HoS Hal (was Re: Las VegasDaq ghom tlhInganpu')
- Date: Wed, 25 Nov 1998 23:43:28 -0500
- In-Reply-To: <[email protected]>
ja' charghwI':
>> Say' "natural gas". lambe' taQbangDaj.
>
>Say' tarvam, 'ach Datlhutlhqu'chugh bIropchoHbej 'ej bIHeghlaH.
yInSIp neH DatlhuHchugh tar moj je yInSIp.
bIQ'e' DatlhuH 'e' DanIDchugh bIHeghlaH.
law' tarHey. Say'bogh qul taQbang DabuSDI' bIDoghlaw'.
Seng vIlojmoH: tarqoqvam yIthluHQo'! lulo' tI 'e' yIchaw'.
>HoHlaH CO2 'ej lojchoHlaH "natural gas". vIlo' 'ach lo'chugh
>Hoch Do'Ha'.
lojchoHchugh, waghchoH, qar'a'? vaj HoS qutlh wInejba'.
chaq waghchugh Hoch nIn, 'otlh qutlh law' Hoch qutlh puS.
'ach DaHjaj qutlh nIn motlh.
>*hydrogen* boSlu'meH meQnIS latlh nIn. ghaytan lam nInvam.
lamnISbe'. law'qu' HoS Hal. Say'chu' 'op. lI'laH SuS.
>megh je'nISbe'lu'bogh tu'be'lu'.
HochvaD teH ngoDHomvam. chenmeH 'otlh boSwI', tarna' lInglu'.
HoSna' natlhlu'. jona' lo'lu'.
>> motlh nIn vIlo'. rut vIHtaHbogh bIQ vIlo'.
>
>roD HoS'e' lIngpu'bogh nIn pol neH vIHtaHbogh bIQ.
chaq roD qaS ghu'vam, 'ach ghu'wIj 'oHbe'.
rut 'op HoSwIj lIngpu' "Niagara" bIQtIq.
> HoS wIlo'bogh
>law' law' HoS'e' lIngbogh SISbogh bIQ law' puS. [ghIH
>mu'tlheghvam 'e' vISov 'ach vItI'laHbe'.]
quSDaq bIba'. Hoch HoS lInglaHbe' vIHbogh bIQ.
>> qay'be'. lojchoHchugh "coal", nIn pIm tambej lIngwI' malja'.
>
>HoS lIngwI' jo' Dayajbe'ba'. bIQuchmeH qutlhnIS HoS. wa' nIn
>neH lo'laH HoS qutlh lInglaHbogh jo''e'.
not jIja' jo' rapDaq nIn pIm lo'lu'.
lojchugh "coal", lI'be' "coal" lo'nISbogh jo''e'.
>latlh lo' HoS lIngwI'
>DaneHchugh vaj wIvvam DaDIlnIS. ghaytan qechvam DaDIlqangbe'.
QIt nIn tam malja' net Sov. rut jo' chu' poQ lIngwI'.
chenmoHpa', nIn wIv. QIpchu'qu'be' HoS lIngwI' malja'...
>> woj luHajbe'choH nugh 'e' vItulqu'.
>
>'e' vIHaj.
DaHajba' 'e' vItu'bej.
>qatlh tarna' DaHajbe'? Qaghchugh woj lo'bogh HoS lIngwI''e' vaj
>Hegh Hoch.
bIqarbe'. qaSpu'qu' Qaghmey, 'ach mayIntaH.
Qaghpu' "Three Mile Island". 'oHmo' Hegh'a' Hoch? ghobe', Hegh pagh!
Qughna' SIQbej "Chernobyl" -- Hegh beq law'. "thyroid cancer" luSIQ
wejvatlh puqpu'. ghaytan rop je wa'vatlh latlh chun. 'ach Hegh'a'
Hoch'e'? ghobe'!
QobbejtaH jorpu'bogh "Chernobyl" woj choHwI'; Sumqu'nISbe'lu'. 'ach
"Chernobyl"-Daq QaptaH jorbe'pu'bogh latlhmey. SaH beq. DughnIStaH,
'ach yIntaH.
>Qobvam DaghovlaHbe'chugh lojbe'. reH loStaH.
Qob vIghov. latlh vIghov je. jorchugh laSvargh, Hegh nuv law'.
Dejchugh "dam", ghaytan Hegh nuv law'. qatlh woj'e' DaHaj?
>> wIchmey DaHarba'. tar 'oHbe'. jo' 'oH.
>
>qoH Qob DaDaba'. HoSghajchu' tarvam. wIch 'oHbe'bej.
HoSghajchu'mo' jo' 'oH. lI'qu'. wImolchugh neH maDogh maH.
ngoDvam Dalajbe'chugh, chaq "UV" 'otlh DaHaj je.
>> bIyajHa'. bIQtIq tIn vIqel. ngeng ngab vIqelbe'.
>
>bIQ HoS DayajHa'ba'...
bIQ HoS motlh vIyaj. qub ngengmey'e' tebqa'bogh nIn.
motlh ngeng tebqa' bIQtIq. 'ach jIja'qa': ngeng vIqelbe'.
ngeng wuvbe' HoSwIj. roD bIQtIq wuvbe' je, 'ach rut lo'pu'.
>> >ram jenmoHmeH bIQ, nIn meQmoHlu'.
>>
>> ghobe'. bIQ jenmoH pem tuj. SeSHey moj bIQ'a' ghor. SIS.
>> chen bIQtIq. HoS lIngwI' rIH vIHtaHbogh bIQ 'ej pumtaHbogh.
>
>qo'na' Dayajbe'. bInaj neH. QaplaHchugh qechlIj vaj lo'lu'ba'.
>qechlIj lo'be'lu'. qoH DaDabe' SoH neH 'e' DaHar'a'?
HoSwIj'e' vIDelta'. bIQ HoS vIqelDI', potlh "Niagara" bIQtIq neH.
>jIjaHnIS. chaq jIchegh 'ach jImogh. bIQubHa'bejtaH.
ngoDmeywIjmo' jIjeQ.
Hoch ngoDmey vIqelbe'ba', 'ach lughbej ngoDmey vIqelbogh.
** ** **
** ** **
charghwI', qaHIvbe'taH 'e' DaSov 'e' vIpIH.
mangach 'e' vItIvmo' neH QInmeyvam vItaHmoH.
Daparchugh, jItamqangchoHbej.
-- ghunchu'wI'