tlhIngan-Hol Archive: Mon Nov 23 09:26:03 1998
[Date Prev][Date Next][Thread Prev][Thread Next]
Re: HoS Hal (was Re: Las VegasDaq ghom tlhInganpu')
On Sun, 22 Nov 1998 15:54:33 -0800 (PST) Alan Anderson
<[email protected]> wrote:
> ja' charghwI':
> >vay' DameQmoHchugh lojchoHlaHbogh nIn Dalo' 'ej muD DalammoH.
>
> bIlughbe'. pIm nIn pIm. lambej Sor. lam "coal" "oil" je.
> Say' "natural gas". lambe' taQbangDaj.
Say' tarvam, 'ach Datlhutlhqu'chugh bIropchoHbej 'ej bIHeghlaH.
> bIQ CO2 je neH ngaS.
HoHlaH CO2 'ej lojchoHlaH "natural gas". vIlo' 'ach lo'chugh
Hoch Do'Ha'.
> Say'chu' "hydrogen". bIQ neH lIng "hydrogen" qul.
*hydrogen* boSlu'meH meQnIS latlh nIn. ghaytan lam nInvam. megh
je'nISbe'lu'bogh tu'be'lu'.
> >juHwIjvaD 'otlhmey vIlo' 'ach jIqub. *Convenient*Ha' 'otlh HoS.
> >ghu'vam vISIQqangtaH, 'ach SIQqangbe' HochHom nuv. bISIQbe'.
>
> 'otlhmey vuvchugh HoS lIngwI''e', pagh vISIQnIS.
> SaHnIS lIngwI' neH. HoS vIDIlnIS neH jIH.
jIQochchu'. meqna' ghaj HoS lIngwI'. reH wa' ngoDna' Sov HoS
lengwI'. HoS DaneHDI' HoS lengnIS. pemHov botchugh 'eng, HoS
lengnIStaH. De'wI'lIj Dachu'chugh 'ej HoS yap lInglaHbe' HoS
lIngwI', Do'Ha'. 'engmey DaSIQqangbe'. DaH HoS DapoQ! Hoch jaj
HoS DapoQ! lIngwI'vaD wagh 'otlh HoS 'ej rut QapHa'. reH QapnIS
HoS Hal 'e' DapoQ SoH! lIngwI' yIpIchQo'.
> >luSIQbe' puqpu'lI'. ngeD HoSlIj. 'otlh Dalo'be'. 'otlh wIqel 'e'
> >choqawmoHDI' loQ bIDogh. nIn neH Dalo'.
>
> motlh nIn vIlo'. rut vIHtaHbogh bIQ vIlo'.
roD HoS'e' lIngpu'bogh nIn pol neH vIHtaHbogh bIQ. HoS wIlo'bogh
law' law' HoS'e' lIngbogh SISbogh bIQ law' puS. [ghIH
mu'tlheghvam 'e' vISov 'ach vItI'laHbe'.]
> >muD lammoH Halvam 'ej reH tlhIlwI' bowuvnIStaH. rut Huchmo'
> >vumQo' tlhIlwI'.
>
> qay'be'. lojchoHchugh "coal", nIn pIm tambej lIngwI' malja'.
HoS lIngwI' jo' Dayajbe'ba'. bIQuchmeH qutlhnIS HoS. wa' nIn
neH lo'laH HoS qutlh lInglaHbogh jo''e'. latlh lo' HoS lIngwI'
DaneHchugh vaj wIvvam DaDIlnIS. ghaytan qechvam DaDIlqangbe'.
> woj luHajbe'choH nugh 'e' vItulqu'.
'e' vIHaj.
qatlh tarna' DaHajbe'? Qaghchugh woj lo'bogh HoS lIngwI''e' vaj
Hegh Hoch. Qobvam DaghovlaHbe'chugh lojbe'. reH loStaH.
> >qaStaHvIS loSnetlhDIS tarna' 'oHtaH. bong tar mojlaH puH bIQ je.
>
> wIchmey DaHarba'. tar 'oHbe'. jo' 'oH.
qoH Qob DaDaba'. HoSghajchu' tarvam. wIch 'oHbe'bej.
> >> rut cha' vatlhvI' lIng bIQ, 'ach qub ghu'.
> >
> >HoS pollaH bIQ 'ach roD lIngbejbe'.
>
> bIyajHa'. bIQtIq tIn vIqel. ngeng ngab vIqelbe'.
bIQ HoS DayajHa'ba'. HoS SeHchu' HoS lIngwI' neH lIngwI'. HoS
Dalo'chugh nIn meQ. HoS Dalo'be'chugh nIn pol. HoS law'
Dalo'chugh ngeng tebHa'. HoS law' Dalo'be'chugh meQ nIn 'ej
ngeng teb. HoS Hal wuvlaHbe'lu'chugh 'ej SeHlaHchu'be'chugh
Halvam SaHbe' lIngwI'.
latlh qech Daghajchugh ghaytan bIDogh. lIngwI' meq Dayajbe'.
lIngwI' HoS Dawuvchu'. HoS Hal wuvnIS HoS lIngwI'. pIch ghajbe'
lIngwI'. pIch Daghaj. 'otlh Dalo' DaneHchugh pat yIje' 'ej
bIjatlh 'e' yImev!
> >ram jenmoHmeH bIQ, nIn meQmoHlu'.
>
> ghobe'. bIQ jenmoH pem tuj. SeSHey moj bIQ'a' ghor. SIS.
> chen bIQtIq. HoS lIngwI' rIH vIHtaHbogh bIQ 'ej pumtaHbogh.
qo'na' Dayajbe'. bInaj neH. QaplaHchugh qechlIj vaj lo'lu'ba'.
qechlIj lo'be'lu'. qoH DaDabe' SoH neH 'e' DaHar'a'?
jIjaHnIS. chaq jIchegh 'ach jImogh. bIQubHa'bejtaH.
charghwI' 'utlh
> >> Hal vISaHbejqu'. woj choHwI' vIHajbe' jIH.
> >
> >*Chernobyl*Daq *Three Mile Island*Daq je vuDlIj yIjatlh.
>
> maj, vIjatlhqang. Hajbe'bejtaH "Chernobyl" DabwI'pu'.
> "Chernobyl" Qughna'mo' Hegh nuv puSqu'.
> puq puSqu' ropmoH "thyroid cancer". ramqu' "cancer" pIm.
>
> >> 'otlh boSwI' vIparHa' je.
> >
> >wa' Daghaj'a'? qutlhchu' qech. qech DaparHa' 'ach Dochna'
> >DaDIlnISchugh chaq loQ DaparchoH.
>
> wej wa' vIghaj, 'ach wa' ghaj vavwI'. ngem raQ wIDabtaHvIS,
> juHDaj ru' lurIHmoH 'otlh. 'ul poQbe' juHwIj ru', vaj vIDelQo'.
> cha'maH nem, 'Itlhbogh juH ru' vISuqDI', rIHbej 'otlh.
>
> > [Idiom alert!] nujwIjDaq
> >HuchwIj vIlanta'. 'otlh boSwI' vIje' 'ej vIlo'.
>
> DaHjaj muDwIj Say' law' cha'maH ben muDwIj Say' puS.
> DaHjaj 'otlh boSwI' vIpoQbe'. jIHvaD yap 'ul motlh.
>
> >> 'ach woj choHwI' taQbangqoq Say' law' "coal" meQwI' taQbangna' Say' puS.
> >
> >wa' jaj neH qellu'DI' bIqar, 'ach loSnetlh DIS DaqelDI' woj
> >choHwI' lam law' Hoch lam puS. reH tarna' moj woj choHwI'.
>
> wIch 'oH ngoDqoqvam'e'! veQ 'oHbe' woj choHwI' taQbangHey'e'.
> ratlhtaHmo' woj, lI'taH. nIn lI' 'oH taQbangqoq'e'.
> HoSchugh woj, ngaj woj. nI'chugh woj, puj.
> wa'vatlh DIS neH yIloS. DaH pujchoHpu' woj HoS.
>
> >> qay'be'qu'bejqu' "Three Mile Island" Qughqoq. narghbe' woj.
> >> Qapchu' chach patmey. wanI'mo' Hegh pagh.
> >
> >bIqarbe'. SIbI' Hegh pagh. QIt Hegh jIlpu' vumwI'pu' je.
>
> Qo'! qaStaHvIS Hoch qun "Three Mile Island" woj choHwI'vo' narghbogh woj
> mach law' qaStaHvIS wa' DIS wa' "granite" qojvo' narghbogh woj mach puS.
> qojmey DatoSmo', ghu'lIj Qob law' "Three Mile Island" jIl ghu' Qob puS.
>
> woj'e' SIQbogh "coal" tlhIlwI' law' law'
> woj'e' SIQbogh "Three Mile Island" vumwI'.
>
> >> bIlughbe'. Sengmey vISaHqu'. 'ach SengHommey neH vItu'.
> >
> >bIbejqu'be'. cham bIvoqchu'. DaH woj choHwI' 'ar wIchenmoHtaH?
> >pagh meqmo' mamej 'e' DaHar'a'? *Decommission* Dayaj'a' SoH?
>
> HIja', mIwvetlh vIyajchu'. qay'be' cham. qay' woQ.
> qay' woj luHajbogh chut chenmoHwI'pu'.
>
> >> yIqIm: ben muD lam law' DaHjaj muD lam puS. HoS lIngwI'mey DIDub.
> >
> >*U.S*Daq bIqar. *Brasil*Daq bIqarbe'. *China*Daq bIqarbe'. wa'
> >jaj muDmaj moj muDchaj.
>
> vaj cham Say' wInoynISmoH. qatlh ghu' luDublaHbe' "Brasil"-ngan?
>
> >nap ghu'. nIn wIlo'bogh wInupchugh vaj muDmaj Say' wIghur.
> >roghvaHmaj wInupchugh vaj nIn wIlo'bogh wInup.
> >
> >ngoDna'vam DaHon'a'?
>
> vIHonchu'! ngoDHey neH 'oH. vItobHa'meH ghu' vIyoymoH:
> cha'maH ben nIn wIlo'bogh puS law' DaHjaj nIn wIlo'bogh puS puS, qar'a'?
> 'ach cha'maH ben muD lam law' DaHjaj muD lam puS 'e' yItu'!
> napba'be' ngoDqoqlIj.
>
> >> muD lamqu'moHbe' DaHjaj Duj. QuQmey DIDub.
> >
> >QuQmey DIDubtaHvIS Duj mI' wIghur. Duj mI' wInupchugh vaj muD
> >Say' wIghur.
>
> qechvam vItobHa'meH mIw rap vIlo'laH.
>
> >wej woj choHwI'mey DI*decommission*ta'. tugh
> >DI*decommission*nISchoHbej. mIwvamvaD wIDIlnIS 'ej reH tarvam
> >wIpolnIStaH.
>
> tarqoqvam wIlo'qu' net chaw'chugh, qaq ghu'.
>
> >waghqu' 'ej wej mIw toblu'.
>
> Qu'vatlh -- DaHjaj Hatqu' mIw tobmeH Qu' jay'!
> QIplaw' chut chenmoHwI'pu'.
>
> >maQaghchugh Hegh
> >nuvpu' law'qu' Ha'DIbaHmey law'qu' tI law'qu' je 'ej
> >qaStaHvIS loSnetlh DIS yoS tInvaD yInlaH pagh.
>
> va, woj DaHajba' SoH. "Chernobyl"-Daq qaSta' Qughna', qar'a'?
> DaHjaj pa' yInbejtaH nuv. SuD, 'ach yInbej. chImbe' yoSvetlh.
>
> >> HoS lIng nIv DIlo'choH 'e' lubotlaw' HajwI'mey.
> >
> >qoH vuD 'oH vuDvam'e'. tugh vuDvam wIDIlqu'nIS.
>
> raplaw' vuDlIj, "Luddite" vuD je. jatlh not qaSta'mo', qaSbe'nIS!
> jatlh Qobmo', wIjunnIS!
>
> "France"-Daq Qap pat naQ. pa' vuDlIj yIjatlh SoH.
>
> -- ghunchu'wI'