tlhIngan-Hol Archive: Wed Nov 25 12:54:57 1998
[Date Prev][Date Next][Thread Prev][Thread Next]
muqaD ghu'wIj.
- From: "William H. Martin" <[email protected]>
- Subject: muqaD ghu'wIj.
- Date: Wed, 25 Nov 1998 15:54:54 -0500 (Eastern Standard Time)
- Priority: NORMAL
muqaD ghu'wIj.
chaq maw'qa' SoSwI'. ghaHvaD Hergh nobDI' rachwI', nujDaq Hergh
lan 'ach ghupQo' SoSwI'. ghuplaw' neH. jat bIngDaq pol. mejDI'
rachwI', Hergh woD. maw'choHbe'meH Herghvam poQ SoSwI'.
Qel chu' Suq SoSwI'. QaHlaH 'e' vItul.
roD SoSwI' Qorgh be'nI'wI'. maw'choHDI' SoSwI', QorghvIpchoH
be'nI'wI'. murI'. wa'Hu' murI'. ghu'vam vIHaj 'ach jIngoy'.
loQ maSuvchuq bangwI' jIH je. maghoH. pIj rejmorgh Da 'e'
vIcherghlaHbe'. ghu'Daj Haj ghaH, 'ach vangvIplaw'.
reH jIvangvIpQo'. vangvIpDI' jIvangvIpQo'mo' maghob.
jItulbe'choHlI'. chaq tugh jImobqa'.
vaj chaq tugh jImobqa' 'ej maw'qa' SoSwI'. tugh jajmey le'
loplu'. wejpuH. jajmey motlh vImaS.
qatlh napbe' yIn?