tlhIngan-Hol Archive: Mon Nov 16 07:53:11 1998
[Date Prev][Date Next][Thread Prev][Thread Next]
HoS Hal (was Re: Las VegasDaq ghom tlhInganpu')
On Sat, 14 Nov 1998 18:12:08 -0800 (PST) Alan Anderson
<[email protected]> wrote:
> mujang charghwI':
> >> >jomaj wIlo'nISchu' 'ej pagh puqpu' chenmoH 'op nuvpu'.
> >>
> >> jo ngo' wIlo'laH 'ej jo chu' wIchenmoHlaH.
> >> HoS wIghajchugh, ram latlh.
> >
> >QIt HoS lInglu'. nom HoS wInatlh. manarghpa' HoS boS poH'a'.
>
> law'bogh HoS Hal DabuSHa'bej. "petroleum" nIn neH Daqellaw'.
> DaHjaj motlh "oil", 'ach lI'bej bIQ woj 'otlhmey je.
vay' DameQmoHchugh lojchoHlaHbogh nIn Dalo' 'ej muD DalammoH.
juHwIjvaD 'otlhmey vIlo' 'ach jIqub. *Convenient*Ha' 'otlh HoS.
ghu'vam vISIQqangtaH, 'ach SIQqangbe' HochHom nuv. bISIQbe'.
luSIQbe' puqpu'lI'. ngeD HoSlIj. 'otlh Dalo'be'. 'otlh wIqel 'e'
choqawmoHDI' loQ bIDogh. nIn neH Dalo'.
> >ngajqu' poHmaj, 'ach HoS wInatlhqu'taH. juHwIj HoS lIng pemHov.
> >juHlIj HoS lIng nuq? bISov'a'? ghaytanHa' bISov.
>
> HoS Hal vISovchu'. vengwIj HoS HochHom lIng "coal".
muD lammoH Halvam 'ej reH tlhIlwI' bowuvnIStaH. rut Huchmo'
vumQo' tlhIlwI'.
> wa'maH vatlhvI' HoS lIng woj choHwI'.
qaStaHvIS loSnetlhDIS tarna' 'oHtaH. bong tar mojlaH puH bIQ je.
> rut cha' vatlhvI' lIng bIQ, 'ach qub ghu'.
HoS pollaH bIQ 'ach roD lIngbejbe'. ram jenmoHmeH bIQ, nIn
meQmoHlu'. pem pum bIQ 'ej HoS lInglu'law' neH. ngeng tInqu'Daq
jenqu'choHmo' bIQ ghor 'ej 'eSqu'choH bIQ ghormo', Ha'DIbaHvaD
'ej tIvaD lot 'oH. moHchoH ngeng.
> >qay'. Hal
> >DaSaHbe'. qay'be'law'.
>
> Hal vISaHbejqu'. woj choHwI' vIHajbe' jIH.
*Chernobyl*Daq *Three Mile Island*Daq je vuDlIj yIjatlh.
> 'otlh boSwI' vIparHa' je.
wa' Daghaj'a'? qutlhchu' qech. qech DaparHa' 'ach Dochna'
DaDIlnISchugh chaq loQ DaparchoH. [Idiom alert!] nujwIjDaq
HuchwIj vIlanta'. 'otlh boSwI' vIje' 'ej vIlo'.
> "coal" "oil" qoj Say' law' Sor Say' puS.
jaS mu' <<Say'>> noH nuvpu' pIm. meQDI' Sor Hap, *Ash* ghaj Sor
Hap. loQ *Ash* ghaj je *coal*. *Carbon monoxide* qellu'DI' lam
Sor Hap *coal* *oil* je.
> roD taQbang Say'moH "coal" meQbogh HoS lIngwI''e'.
loQ bIqar, 'ach bIqarqu'be'.
> 'ach woj choHwI' taQbangqoq Say' law' "coal" meQwI' taQbangna' Say' puS.
wa' jaj neH qellu'DI' bIqar, 'ach loSnetlh DIS DaqelDI' woj
choHwI' lam law' Hoch lam puS. reH tarna' moj woj choHwI'.
> >qaSpa' Qugh, *Three Mile Island*Daq
> >qay'be' je.
>
> qay'be'qu'bejqu' "Three Mile Island" Qughqoq. narghbe' woj.
> Qapchu' chach patmey. wanI'mo' Hegh pagh.
bIqarbe'. SIbI' Hegh pagh. QIt Hegh jIlpu' vumwI'pu' je.
> >tarna' lIngpa' nIn, qay'be'. muD lammoHpa' nIn,
> >qay'be'. vaj Daqelbe'. DaleghlaHbe'chugh vaj DaSaHbe'.
>
> bIlughbe'. Sengmey vISaHqu'. 'ach SengHommey neH vItu'.
bIbejqu'be'. cham bIvoqchu'. DaH woj choHwI' 'ar wIchenmoHtaH?
pagh meqmo' mamej 'e' DaHar'a'? *Decommission* Dayaj'a' SoH?
> yIqIm: ben muD lam law' DaHjaj muD lam puS. HoS lIngwI'mey DIDub.
*U.S*Daq bIqar. *Brasil*Daq bIqarbe'. *China*Daq bIqarbe'. wa'
jaj muDmaj moj muDchaj.
nap ghu'. nIn wIlo'bogh wInupchugh vaj muDmaj Say' wIghur.
roghvaHmaj wInupchugh vaj nIn wIlo'bogh wInup.
ngoDna'vam DaHon'a'?
> muD lamqu'moHbe' DaHjaj Duj. QuQmey DIDub.
QuQmey DIDubtaHvIS Duj mI' wIghur. Duj mI' wInupchugh vaj muD
Say' wIghur.
> muD lammoHbe'chu' woj choHwI'.
wej woj choHwI'mey DI*decommission*ta'. tugh
DI*decommission*nISchoHbej. mIwvamvaD wIDIlnIS 'ej reH tarvam
wIpolnIStaH. waghqu' 'ej wej mIw toblu'. maQaghchugh Hegh
nuvpu' law'qu' Ha'DIbaHmey law'qu' tI law'qu' je 'ej
qaStaHvIS loSnetlh DIS yoS tInvaD yInlaH pagh.
> HoS lIng nIv DIlo'choH 'e' lubotlaw' HajwI'mey.
qoH vuD 'oH vuDvam'e'. tugh vuDvam wIDIlqu'nIS.
> -- ghunchu'wI'
charghwI' 'utlh