tlhIngan-Hol Archive: Sat Nov 14 18:06:07 1998
[Date Prev][Date Next][Thread Prev][Thread Next]
HoS Hal (was Re: Las VegasDaq ghom tlhInganpu')
mujang charghwI':
>> >jomaj wIlo'nISchu' 'ej pagh puqpu' chenmoH 'op nuvpu'.
>>
>> jo ngo' wIlo'laH 'ej jo chu' wIchenmoHlaH.
>> HoS wIghajchugh, ram latlh.
>
>QIt HoS lInglu'. nom HoS wInatlh. manarghpa' HoS boS poH'a'.
law'bogh HoS Hal DabuSHa'bej. "petroleum" nIn neH Daqellaw'.
DaHjaj motlh "oil", 'ach lI'bej bIQ woj 'otlhmey je.
>ngajqu' poHmaj, 'ach HoS wInatlhqu'taH. juHwIj HoS lIng pemHov.
>juHlIj HoS lIng nuq? bISov'a'? ghaytanHa' bISov.
HoS Hal vISovchu'. vengwIj HoS HochHom lIng "coal".
wa'maH vatlhvI' HoS lIng woj choHwI'.
rut cha' vatlhvI' lIng bIQ, 'ach qub ghu'.
>qay'. Hal
>DaSaHbe'. qay'be'law'.
Hal vISaHbejqu'. woj choHwI' vIHajbe' jIH. 'otlh boSwI' vIparHa' je.
"coal" "oil" qoj Say' law' Sor Say' puS.
roD taQbang Say'moH "coal" meQbogh HoS lIngwI''e'.
'ach woj choHwI' taQbangqoq Say' law' "coal" meQwI' taQbangna' Say' puS.
>qaSpa' Qugh, *Three Mile Island*Daq
>qay'be' je.
qay'be'qu'bejqu' "Three Mile Island" Qughqoq. narghbe' woj.
Qapchu' chach patmey. wanI'mo' Hegh pagh.
>tarna' lIngpa' nIn, qay'be'. muD lammoHpa' nIn,
>qay'be'. vaj Daqelbe'. DaleghlaHbe'chugh vaj DaSaHbe'.
bIlughbe'. Sengmey vISaHqu'. 'ach SengHommey neH vItu'.
yIqIm: ben muD lam law' DaHjaj muD lam puS. HoS lIngwI'mey DIDub.
muD lamqu'moHbe' DaHjaj Duj. QuQmey DIDub.
muD lammoHbe'chu' woj choHwI'.
HoS lIng nIv DIlo'choH 'e' lubotlaw' HajwI'mey.
-- ghunchu'wI'