tlhIngan-Hol Archive: Tue Nov 10 06:44:46 1998
[Date Prev][Date Next][Thread Prev][Thread Next]
DuSaQHom DajHa'
- From: Alan Anderson <[email protected]>
- Subject: DuSaQHom DajHa'
- Date: Mon, 9 Nov 98 15:27:07 EST
DuSaQHomDaq jIHtaH. luch chu' wIlo'laHmeH mIw wIghojlI'.
maghojlI' 'e' wInIDqu'...
tlhIbqu'be' ghojmoHwI', 'ach po'be'law'.
De' Sovlaw', 'ach ghIHqu' muchDaj.
cha'logh yevta' qechmeyDaj boStaHvIS.
meghvo' macheghDI', SIbI' wa'maH tup lenHom maq.
Do' DuSaQHomvaD De'wI'mey DIlo'nIS.
vaj jImoghchu' 'e' vIbotmeH QInvam vIqonlaH.
wejpuH, Dachqa'law' ghaH. ghochDaj Sovbe'law'.
DalchoHchu'pu' DuSaQHom. chaq "Solitaire" vIQujchoH.
toH, jIQaghpu'. tlhIbbejqu' ghojmoHwI'qoqmaj.
pa'vo' jaHpu' ghaH pInwI' je. ja'chuqtaH.
Dajqa' ghu'...
DaHjaj DuSaQHom baqlu'pu'. wa'leS manIDqa'.
loS jaj poQ ghojta'ghachmaj net nab.
loj wa' jaj 'ach paghHey wIghojpu'. ratlh wej jaj.
rInDI' DuSaQHom naQ, nuq wISovchoHta'?
DaH wa' ngoD vISovchu': vangrupbe'ba' yIntaghvam.
-- ghunchu'wI'