tlhIngan-Hol Archive: Wed Nov 04 14:36:34 1998
[Date Prev][Date Next][Thread Prev][Thread Next]
Re: yuch QaQ law' vIghro'mey QaQ puS
- From: "William H. Martin" <[email protected]>
- Subject: Re: yuch QaQ law' vIghro'mey QaQ puS
- Date: Wed, 4 Nov 1998 17:36:31 -0500 (Eastern Standard Time)
- In-Reply-To: <[email protected]>
- Priority: NORMAL
On Wed, 4 Nov 1998 13:11:55 -0800 (PST) Pam Felton
<[email protected]> wrote:
> wa'Hu', vIghro'wIj pachmey teq Ha'DIbaHmey Qel.
qatlh pachmey teq? rIQ'a'? rop'a'? nuHDu' potlh bIH. DaH Soj
jonlaHbe'. DaH jaghmey SuvlaHbe'.
> reghmo' Doq qamDu'Daj. Do'Ha'.
Do'Ha'ba'.
> QeHchoH vIghro'mey'a'?
QaghlIj vIbuSHa'. qech DaHechbogh vIghov. ghaytan QeHchoH
vIghro'. meqna' ghajbej. nItlhDu'lIj teqlu'chugh ghaytan bIQeH
je.
> DaH, QongtaH. vIghro'mey SoptaH Sungpu' *Australia*Daq.
> Sughungchugh, vIghro' boSop'a'?
jIghungqu'mo' tugh jIHeghchugh 'ej jIyIntaHmeH vIghro' neH
vISoplaH vaj vIghro' vISop. jIghungqu'mo' tugh jIHeghchugh 'ej
jIyIntaHmeH SoH neH vISoplaH, vaj qaSop. naHmey vISoplaHchugh
vaj naHmey vImaS.
qaSumDI' naHmey vISamlaH 'e' yItul.
> yuch QaQ law' vIghro'mey QaQ puS. yuch QaQ law'
> Hoch QaQ puS.
yuch QaQ law' HochHom QaQ puS, 'ach rut latlh vImaS. jIpIvmeH
SarnIS SojwIj. yuch neH vISopchugh vaj nonchoH Ho'Du'wIj 'ej
HuvHa'choH yabwIj 'ej pI'choH porghwIj 'ej qetlhchoH SoptaHghach.
> tlhIngan Hol ghojchugh, loDnalvaD yuch vInob. :)
maj. yaj vaj baj.
lajDaj Danajjaj! ngajchugh vaj paj! yIHajQo'! tajDaj Daghaj!
yItuQ 'ej yIruQ! yIbuQ <<qaDuQ!>>
> K'ryntes
charghwI'