tlhIngan-Hol Archive: Wed Mar 11 10:04:48 1998
[Date Prev][Date Next][Thread Prev][Thread Next]
Re: charghwI' wanI'
- From: "William H. Martin" <[email protected]>
- Subject: Re: charghwI' wanI'
- Date: Wed, 11 Mar 1998 13:04:40 -0500 (EST)
- In-Reply-To: <[email protected]> from "Irene A Gates" at Mar 10, 98 01:07:53 am
According to Irene A Gates:
>
> According to charghwI':
>
> > be'pu' vISumDI' roD jIjaqHa'. mughoS. vIghoSbe'.
>
> [...]
>
> > [...] <qochpu' DImoj 'e' wIqel DaneH'a'?> vIghel.
> > [Literally, it was more like, "So, you want to try out this
> > dating thing?" jIjatlhDI' jIHub, qar'a'? DaH chaq jIjaqHa'meH
> > meqwIj DayajlaH.]
>
> [...]
>
> > choyajHa'chu'.
>
> DaH jIyajlaw'. QInwIj vIqonDI", bIjaqHa' 'e' vISovbe'. vIqelbe'. naDev
> reH bIjaqlaw' net tu'. chaq *Internet*Daq qochna' DanejnIS.
ghaytanHa' QaplaH qechvam. qochna'wI' jIHlaw' neH. jIjaqHa'
'ach jItayHa' je.
jItayHa'mo' bangwI'pu' vIvuQlaw'pu' 'ej vIghIjlaw'pu'. mujon
'ej jInargh not 'e' luchaw' luneH 'ach not jISumchoH 'e'
luchaw'. ratlh chuqmaj 'e' luqap. parmaqmaj HoH chuqvam.
parmaqmaj HoH *fear*chaj.
jIyInvIpbe'qu'. parmaq vIHajQo'. 'ach reH Qob parmaq 'e'
luHarlaw'.
nuqDaq parmaq HajQo'bogh bang vISam? *Internet*Daq tu'lu''a'?
mI'meH ravDaq tu'lu''a'? ghaytan jIHDaq ghaHtaH neH. bangwI'na'
jIH neH. jIyInvIpbe'qu'. parmaq vIHajQo' 'ej Qobchugh parmaq,
jISaHbe'. Qobvam vIbuSHa'qangbej.
jImuSHa''eghqangchoHchu'lI'mo' jIQuchchoH jay'!
> T'Lark
charghwI'