tlhIngan-Hol Archive: Wed Mar 11 10:28:14 1998
[Date Prev][Date Next][Thread Prev][Thread Next]
Re: loDnI'wI' tlhogh
jaS parmaq luSam nuvpu' pIm. ngoQ pIm luSam. matlh'a' *Sue*?
SaHtaH'a'? QorghtaH'a'? chaq yap. loDnI'lI'vaD wuqlaH loDnI'lI'
neH.
charghwI'
According to Andeen, Eric:
>
> cha'maH vaghleS Saw loDnI'wI'. *Evan* 'oH pongDaj'e', 'ej *Sue* 'oH
> bangDaj pong'e'.
>
> loQ wanI'vammo' jIbIt.
>
> valqu' loDnI'wI'. roD qo' ghot wanI' joq nuDtaHvIS, leghchu'. wanI'
> pImqu'law' rarlaH yabDaj. jaS qo' yaj ghaH, HochHom ghotpu' je.
> valqu'be' Sue. pIj Evan qechmey, qIDmey, pojmey joq yajlaHchu'be'.
> ghu'vammo', pIj nIteb SIQnIS 'ej SIvnIS 'ej SuvnIS 'ej SovnIS Evan. chaq
> qanchoHtaHvIS chaH EvanvaD qetlhchoH Sue. Sawta'DI' chaq rut
> mobbe'law'taHvIS mobchu'.
>
> Sue SaHqu'ba' Evan. Quchba'mo' Evan jIQuch, 'ach loDnI'wI' ghaHmo' vIQan
> vIneH. QuchtaH vIneH 'ej chaq QuchmoHlaHchu'be' Sue. chaq ghaHvaD be'
> nIv tu'lu', 'ej nejqangbe'. chaq nejvIp. chaq nIteb yInmeH wIv Qatlh
> law' Sue SawmeH wIv Qatlh puS.
>
> chaq rejmorgh vIDa neH. chaq ghaHvaD Dunqu' Sue. chaq tay'taHmo' chaH
> vaj QuchtaH. 'e' vItul jIH...
>
> SKI: pagh's brother is getting married soon. pagh frets a little about
> it.
>
> pagh
>