tlhIngan-Hol Archive: Tue Mar 03 22:13:49 1998
[Date Prev][Date Next][Thread Prev][Thread Next]
tIq yoH
- From: WestphalWz <[email protected]>
- Subject: tIq yoH
- Date: Wed, 4 Mar 1998 01:13:35 EST
wa'Hu' latlhlogh jIHlut <tIq yoH> wIbejpu'.
nupIlmoHqu'mo' qun teH wInuDta'.
teH lutvam 'ach loQ ngeb je
qaStaHvIS tera' DIS 1270 bogh William Wallace, Elderslie veng Sir Malcolm
Wallace, Renfrewshire veng Auchinbothie je puqloD cha'DIch.
Stirlingshire Sep Dunipace vengDaq naH jajDaj SIQ ghaH 'ej DuSaQDaq ghoj ghaH.
tay'chuqmo' ghaH vavDaj loDnI' je lalDan Holmey law' je ghojchu' ghaH.
vaj Dundee DuSaQ muv ghaH.
nay William Wallace pagh naybe' 'e' qonbe' John Blair, Blind Harry je.
DundeeDaq Wallace tIchpu'mo' Selby, vaj Selby HoHpu' net qon.
vaj Haw'nIS Wallace 'ej lulIgh nejnIS.
wanI'vammo' England nganpu' maSchu' Wallace.
QIt nuvpu' vID ghommoH ghaH 'ej pIj England nganpu' HIv chaH.
muvpu' chuQun nuvpu' law'.
Sir Andrew Moray, Sir John de Graham, Douglas the Hardy, Wishart the Bishop of
Glasgow chaH.
vavDaj loDnI' Sir Ronald Crawford luchotpu'mo' England nganpu' Barns of Ayr
meQ Wallace mangDaj je.
quD vanwI'pu' HarghmeH Sir Henry Percy, Sir Robert Clifford je ngeH Edward
wa'DIch, England yoS ta'.
may'vetlhDaq Wallace luchoS Hoch chuQun, yaH Sir Andrew Moray.
1297 jar Hut jaj wa'mah wa' StirlingDaq yay potlh luchavta' Scotland nganpu',
'ach Hegh Sir Andrew Moray.
may'vetlhmo' Scotland yoSvo' Haw' Hoch England QaS.
1298 jar 7 jaj 22 FalkirkDaq Wallace jeychu'pu' Edward.
may'vetlhmo' Hegh Sir John de Graham 'ej 'IQqu' Wallace.
qaStaHvIS DIS 1303-1304 EdwardvaD tlhIvHa'choH Soctland yoS chuQun nuvpu' 'ej
chaH wuvlaHbe' Wallace.
1305 jar 8 jaj 5 Glasgow veng retlh RobroystonDaq Wallace magh Sir John
Mentieth 'ej jon.
Dumbarton qach'a' 'oH bIghHa'Daj'e'.
jar 8 jaj 22 LondonDaq paw qama', Wallace.
maghwI' ghaH Wallace'e' 'e' maqmo' Sir Peter Mallorie vaj Wallace qIchlu'.
jajvetlh joy'pu' vaj HoHpu'.
pujqu'bogh puqloD SaSqu' ghaj ta'.
Edward cha'DIch Saw Isabella DIS 1299 'e' lay' vavDaj France ta' Philip
loSDIch.
1314 tlhab Suqchu' Scotland yoS.
------------------teH Dung lut net qon------------
'ach ngeb jIHlut HochHom.
bIngDaq jIQIj.
qaStaHvIS DIS 1296 bogh Isabella.
qaSpu' 3 DIS neH vaj Edward cha' Saw ghaH 'e' lay' vav'Daj, Philip loS.
toH; ghobtaHvIS Wallace Qupqu' Isabella; be' nen ghaHbe'bej!
1308 jar 1 jaj 25 qaS Edward Isabella je tlhoghtay.
cha' puqloDpu' cha' puqbe'pu' je boghmoH Isabella Edward cha' je.
Edward wej, John of Eltham (earl of Cornwall), Eleanor of Woodstock, Joanna je
chaH.
qaSpu' DISmey law', vaj Scotland yoS ta' David cha' Saw Joanna.
1306 Scotlant yoS ta' moj Robert de Bruce.
Scotland yoS Danqa' Edward wa' neHbej ghaH.
1037 jar 7 jaj 7 lengtaHvIS Edward wa' Burgh by SandsDaq Hegh.
jajvetlh ta' moj Edward cha'.
maqochDaj Piers Gaveston Heghbe'; Qorwagh veghmoHbe' Edward wa', 'ach ghIm.
1312 jar 6 Scarborough qach'a'Daq Gaveston lujon Aymer de Valence (earl of
Pembroke), John de Warenne (earl of Surrey) je 'ej Blacklow HillDaq HoH.
1318 Hegh Edward wa' be'nal, Margaret.
1327 jar 1 jaj 7 ta'quSvo' Edward cha' mejmoH Isabella.
ta' moj Isabella puqloD Edward wej.
jar 9 Berkeley qach'a'Daq Edward cha' chotlu'.
Gloucester St Peter chIrghDaq mollu'.
DISvetlh Roger Mortimer Saw Isabella.
val 'ej HoS 'ej Doj Isabella; teH.
rIn peHruS