tlhIngan-Hol Archive: Tue Mar 03 18:14:57 1998
[Date Prev][Date Next][Thread Prev][Thread Next]
Re:
- From: "Andeen, Eric" <[email protected]>
- Subject: Re:
- Date: Tue, 3 Mar 1998 19:26:12 -0700
SoHmo' reH Daj QInghommaj, charghwI'. yInlIj DaDelmeH tlhIngan Hol
Dalo'taHvIS, bIpo'qu'. 'ey mu'lIj. pIj tlhaQ. pIj SeymoH. rut 'IQ, 'ej
rut Quch. reH nong. jIleghmeH, tlhoS mInlIj vIlo'laH. QInmeylIjDaq
tIqlIj vIleghtaH.
loQ puq Darur. SoHvaD chu'law'taH Hoch. not ngaD yInlIj. reH SoHvaD
'utlaw' <-qu'>. bIQuchtaHvIS, bIQuchqu'. bI'IQtaHvIS, bI'IQqu'. SoHvaD
potlhchugh vay', potlhqu'. DaHubtaHvIS, bIqu'qu'. bIDoghtaHvIS,
bIDoghqu' (mu' qIDmeylIj vIqel ...). reH bInongqu'. pIjHa' Dallaw'
yInlIj ('ach ghaytan DaltaHvIS, Dalqu' ;-))
be' Dun vISawmo' jIDo'bej. yIntaHvIS be'nalwI' (nI'jaj yInDaj), not
latlh vISamnIS ('ej not vInejqang). reH jIqaD'egh 'e' vInID, 'ach roD
muqaDbe' yInwIj. jIvumtaHvIS, jIvumqu', 'ach Qu''a'wIj vISIQnISbe'; roD
Qu''a'wIj vItIv. yap HuchwIj. Dun SajwIj. tugh juHmajDaq chegh
be'nalwI'. jIDo'. ngaDlaw' yInwIj.
DuqaDtaH yInlIj, charghwI'. Qu' law' DaSIQnIS. qaD DalajtaH. bIvIngQo'.
potlhchugh vay', bIjeghQo'. bISaH 'e' bImevQo'. bInongbe'laHbe'law'.
SoHvaD SengtaH tIqlIj, 'ach 'oHmo' DutlhuHmoHchu' yInlIj. qa'lIj vIghov,
jupwI', 'ej vIvuv.
pagh