tlhIngan-Hol Archive: Wed Mar 04 09:02:01 1998
[Date Prev][Date Next][Thread Prev][Thread Next]
Re:
QInwIj vIjang vIneH, 'ach ghaytan mu'mey vISamlaHbe'.
choquvmoHqu'. choquvqu'moH. choquvqu'moHqu'...
According to Andeen, Eric:
>
> SoHmo' reH Daj QInghommaj, charghwI'. yInlIj DaDelmeH tlhIngan Hol
> Dalo'taHvIS, bIpo'qu'. 'ey mu'lIj. pIj tlhaQ. pIj SeymoH. rut 'IQ, 'ej
> rut Quch. reH nong. jIleghmeH, tlhoS mInlIj vIlo'laH. QInmeylIjDaq
> tIqlIj vIleghtaH.
maj. bIjatlhDI' SoH je jIyajchu' 'ej qa'lI' vIghov. qep'a'
loSDIchDaq qatIvqu'. chablIjvaD loQ tlhIngan Hol lo'DI'
be'nallI', jIlop.
> loQ puq Darur. SoHvaD chu'law'taH Hoch. not ngaD yInlIj. reH SoHvaD
> 'utlaw' <-qu'>. bIQuchtaHvIS, bIQuchqu'. bI'IQtaHvIS, bI'IQqu'. SoHvaD
> potlhchugh vay', potlhqu'. DaHubtaHvIS, bIqu'qu'. bIDoghtaHvIS,
> bIDoghqu' (mu' qIDmeylIj vIqel ...). reH bInongqu'. pIjHa' Dallaw'
> yInlIj ('ach ghaytan DaltaHvIS, Dalqu' ;-))
jIHeghDI' ghaytan jIDalmeH poH yap vISuq. jIyIntaHvIS, latlh
Qu' vISam. DalchoHchugh yInwIj, pe'vIl vay' vIchoH jay'!
DaltaHghach vIcharghnIS, 'ej tlhoS jImaw'mo', ngeDqu' Qu'vam.
jImaw'vIpQo'. DalchoHtaHbe'meH Hoch, maw'wI' puS poQ qo'.
> be' Dun vISawmo' jIDo'bej. yIntaHvIS be'nalwI' (nI'jaj yInDaj), not
> latlh vISamnIS ('ej not vInejqang). reH jIqaD'egh 'e' vInID, 'ach roD
> muqaDbe' yInwIj. jIvumtaHvIS, jIvumqu', 'ach Qu''a'wIj vISIQnISbe'; roD
> Qu''a'wIj vItIv. yap HuchwIj. Dun SajwIj. tugh juHmajDaq chegh
> be'nalwI'. jIDo'. ngaDlaw' yInwIj.
Do' je be'nallI'. Qu''a'mey ghaj 'ej bItuvnIS. Do' bItuvtaH.
Suvuv'eghba'. maj. wej muvuvbej bang. reH tIqchaj potlh law'
tIqwIj potlh puS. mulIj.
> DuqaDtaH yInlIj, charghwI'. Qu' law' DaSIQnIS. qaD DalajtaH. bIvIngQo'.
> potlhchugh vay', bIjeghQo'. bISaH 'e' bImevQo'. bInongbe'laHbe'law'.
> SoHvaD SengtaH tIqlIj, 'ach 'oHmo' DutlhuHmoHchu' yInlIj. qa'lIj vIghov,
> jupwI', 'ej vIvuv.
rut jIvIng 'ej jIjegh. jISaHbe' pIj jIjatlh, 'ach jISaHtaH.
jInongbe'chugh vaj qatlh naDev jIH? jItlhuHchu'meH taghDu'
vIghaj. jInongchu'meH tIq vIghaj. jImI'chu'meH qamDu' vIghaj.
jIDIS: 'op porgh 'ay' vIlo'laHbe'law'bogh vIghaj, 'ach vIlo'meH
jIjnISlu'. qaStaHvIS wej jar jIjbe'lu'. jIloSlaw'. chaq reH
jIloStaH. 'ach jItlhuHchu'taH 'ej jInongchu'taH.
mubuSHa'mo' be'pu' qoHpu'na' chaHba'. jISaHbe'. {{:)>
DaH jIHmo' SIvlaw' cha' be'pu'. pagh vIpIH, 'ach DajchoH ghu'.
QIt mI' wa' 'ej nom mI' latlh. Do' vIwuqnISbe', vaj
jImISnISbe'. jImI' neH. nom jImI' 'ej QIt jImI' 'ej nIteb juH
vIghoS.
> pagh
charghwI'
- Prev by Date:
Re:
- Next by Date:
Asyndeton
- Prev by thread:
Re:
- Next by thread:
Re:
- Index(es):