tlhIngan-Hol Archive: Mon Mar 02 16:11:30 1998
[Date Prev][Date Next][Thread Prev][Thread Next]
wa'maH DIS
- From: "Robyn Stewart" <[email protected]>
- Subject: wa'maH DIS
- Date: Mon, 2 Mar 1998 16:11:08 PST
- Organization: NLK Consultants, Inc.
- Priority: normal
wa'maH ben tlhIngan Hol vIHaDchoH. qaStaHvIS loS jarmey vIHaDqu' 'ej
jatlhwI'pu'na' vInej. Hol vItIvqu' 'ach jatlhwI'pu' vISamlaHbe'mo'
jItaHbe'. qaStaHvIS chorgh DIS rut Hol vIqel. rut paq vIpoSmoH. 'ach
vIHaDbe'. cha' ben vIHaDqa'. jIqu'! jInong! jIHaDqu'! ghaytan
SaghIj. jabbI'IDmeywIj wa'DIch vIlaDqa'DI' jIghIj'egh. taghwI'vetlh
vIqIHchugh vIHaw'law', 'ach tuboQ 'ej tutungHa'. qep'a' wejDIch
vItIvqu'. povqu'be' qep'a' loSDIch 'ach juppu'ma' vIghom 'e' vItIv.
Satlho'mo' 'ej Hol vItaHmoHmeH BG vImoj.
pIj Qu'wIj vIbuSHa' 'e' boSov 'ej vISov je. vIpay.
jIpIl'eghmeH jabbI'IDwIj wa'DIch vISam. jIHagh. jajvetlh jISaghqu'
'ej jInongqu'. tuyajmo' 'ej tulajmo' jIbelqu'choH. belvetlh
vIqawnIS 'ej luchavmeH Hoch taghwI' jIvumnIS.
SKI: In order to inspire her to answer KLBC postings, Qov reminisces
about ten years of tlhIngan Hol. It works.