tlhIngan-Hol Archive: Mon Mar 02 11:59:06 1998
[Date Prev][Date Next][Thread Prev][Thread Next]
Re: charghwI' wanI'
According to Alan Anderson:
>
> ja' charghwI':
> ><charghwI', qa'lI' vIghov. juppu' neH DImojbe'. Sanmaj 'oHbe'
> >Sanvetlh'e'. manongqu'.>
> >
> >pe'vIl jIghup.
>
> lut rur yInlIj. wa'leS qaSchoH nuq? wanI' veb Sov 'Iv?
> lutvam DayIntaHvIS DatIvjaj.
loghqoq neH be'vam. (reH logh neHlaw' be'pu'. jIyajbe'. Dat
logh tu'lu'.) vaj logh vInob. jISaHbe'choH. SuD jIb; pemHov
rur. SuD mInDu'Daj; bIQ rur. tlhoS So'chu' Huy'Du'Daj.
cha'Hu' jImI'. jIQuchqu'. jabbI'ID QuvDaj munob latlh be'.
'IHqu'. Doq jIb; lam Doq rur. SuD mInDu'Daj; tI rur. SuDmo' je
SutDaj, HochvaD mInDu'Daj buSmoH SutDaj. monchu'. mI'chu'.
ghaHvaD QIn vIlab. wej mujang. tlhoS pagh vIpIH. jISaHbe'choH.
wa'Hu' jImI'. Hop wanI'. rInDI' wanI', mejchoH be' 'IHqu'. jen.
Hurgh jIb. SuD mInDu'; bIQ rur. lang. mejchoHDI', yev. jIHvaD
tlhe'. qaStaHvIS cha' lup Samchuq mInDu'maj. cha'maH 'uj 'ab
chuqmaj. jojmajDaq tujchoHlaw' muD. bIngDaq tlhe' mInDu'Daj 'ej
loQ mon. vIHo'pu'meH-tevDaj bajlaw'. tlhe' 'ej mej. pagh
vIpIHchu'. jISaHbe'ta', 'ach qaStaHvIS wanI', vItIvqu'.
paq 'ay' jIHchugh, jIHDaq *bookmark* lan be'pu' law' neHlaw'
'ach mulaD pagh.
> -- ghunchu'wI'
charghwI'