tlhIngan-Hol Archive: Tue Jun 02 01:08:41 1998
[Date Prev][Date Next][Thread Prev][Thread Next]
lu SuvwI'na'
Qaghmey law' ngaSbej lutvam vImughpu'bogh. tIlughmoH.
tuq veSqa'Daq jIjeS.
lutvam qonpu' tuq veSqa' wa' jeSwI'.
Terra Larkin 'oH pongDaj'e'.
:::::::::::::::::::::::::::::::::::::::::::::::
DaHjaj ram 'ay' wa'DIch vImuch
::::::::::::::::::::::::::::::::::::::::::::::::
lut ja'wI' ra'val luDechtaHvIS puqpu', chal Doqqu' tam 'Iw HIq rurbogh chal.
tuq veSqa' vaS tlhop Du'Hom nIv nagh-quSDaq ba' be'vam. lupu'bogh SuvwI'pu'
puqpu' qabDu' legh valqu'bogh mInDu'Daj tun. lutDaj ghaj je Hoch puq. ra'val
tIq luDuQmo' puqpu'vam, Hoch yIn-lutmeychaj Sovchu' ghaH 'ej ra'val lut
'ay'mey moj puqpu'vam lutmey. naDev pawpa' puqpu' 'op Qupqu' chaH; Qupqu'mo'
yIn-lutchaj qawlaHbe' chaH. wanI'mey law' qaDpu' HochHom. qabDu' QupvaD
qanqu'bej mInDu'chaj.
ra'val tlhop yavDaq ba' puqpu' 'ej loS 'ej jatchuq. HurghchoH chal 'ej nargh
Hovmey 'e' loS chaH. poHvetlh neH DaHjaj-lut ja'qang ra'val. HurghchoHpu'DI'
chal, chalDaq tlhe' ra'val mInDu'. chal wa' Hov wewDaq tlhe' je puqpu'
mInDu'. wewqu'mo' Hovmey tlhoQvam, wa' DIS wa'logh neH lutvam ja' ra'val.
::::::::::::::::::::::::::
wa'leS latlh 'ay' vIlab
peHruS