tlhIngan-Hol Archive: Thu Sep 11 17:39:16 1997
[Date Prev][Date Next][Thread Prev][Thread Next]
RE: <Spotsylvania Courthouse> may'yotlh wISuch
- From: "Andeen, Eric" <[email protected]>
- Subject: RE: <Spotsylvania Courthouse> may'yotlh wISuch
- Date: Thu, 11 Sep 1997 17:26 -0700
muDuQ jabbI'IDvam. loQ may'vam Dun vIleghlaH 'ej vIQoylaH je. Qapla'na'
Dachavta', SanDar.
chutHom vIpab: tlhIngan Hol ngaSchugh jabbI'ID 'ej vIlaDchu'ta'be'chugh
'ej vIyajchu'ta'be'chugh, vIwoDQo'. chorghHu', De'wI'wIjDaq vI'pu'
javvatlh jabbI'ID, vaj jabbI'ID ngo' vIlaDqa'. DubtaH laHwIj, vaj DaH nom
tlhIngan Hol vIlaDlaH.
taghwI'pu': jabbI'ID ngo' yIlaDqa'. jabbI'ID chu' yIlaD. reH tlhIngan Hol
jabbI'IDmey yIlaD. valqu' jabbI'IDghom ghaqwI' law'. tlhaQ jabbI'ID law'.
'ej reH tlhIngan Hol bolaDDI', Dub laHraj.
pagh
paghvo' tagh Hoch
-----Original Message-----
From: Deborah Kay [SMTP:[email protected]]
Sent: Sunday, June 15, 1997 2:38 PM
To: ANDEENRE; Multiple recipients of list
Subject: <Spotsylvania Courthouse> may'yotlh wISuch
DaHjaj <Spotsylvania Courthouse> may'yotlh wISuch qorDu'wIj jIH je.
pa' ghobpu' <Confederates> <Yankees> je.
<Virginia>Daq 'oHtaH may'yotlh.
DaHjaj Huvqu' chal.
chalDaq puv jenbogh 'engmey puS.
tuj 'ej QaD muD.
cha' ngem jojDaq may'yotlh tu'lu'.
yotlhDaq 'oHtaHbogh tIr joqmoH SuSHom.
tam yotlh 'IQ.
<May 12, 1864> bIrqu' 'ej SIStaHqu'.
yIQqu' negh HIpmey 'ej 'ughchoH.
SuvtaHvIS negh, lam yIQqu'Daq ghIr 'uSDu'chaj.
bIQmo' baHHa' beHmey.
<Confederate> waw' lujevDI' QaS, yu'egh SuD rur <Grant> mangghom.
Sumqu' jaghmey.
DuQchuqmeH, beH'etlhmey lo' gholpu'.
DuD 'Iw lam yIQ je.
pumtaHvIS negh, jach.
qaStaHvIS cha'maH rep, qu'taHvIS, SuvtaH mangghommey.
Daqvo' nuH'a'mey viHmoHpu'mo' <Lee> Sa', waw'chaj HublaHbe'
<Confederates>.
HeDnIS <Lee> QaS.
batlh Hegh SuvwI'pu' law'.
toDuj le' lu'ang SuvwI'pu'.
DaHjaj Hab yav let, 'ach may'yotlhDaq jIyIttaHvIS, yav ghItlhpu'bogh
qamDu'
vIleghlaH.
paw'qu' beH'etlhmey 'e' vIQoylaH.
jajvetlh ta'mey Dun luchavlu'pu'.
SanDar
Stardate 97456.2