tlhIngan-Hol Archive: Wed Oct 15 13:03:37 1997
[Date Prev][Date Next][Thread Prev][Thread Next]
Re: More translation Sentences
- From: [email protected] (Alan Anderson)
- Subject: Re: More translation Sentences
- Date: Wed, 15 Oct 97 15:03:45 EST
ja'pu' Qov:
>...Of course, you can't say "must be willing to" in Klingon easily.
>...SuStel, ... LET THE LEARNERS DO THE EXERCISES!!
pe'vIl jang SuStel:
>toDSaH! bIjatlh 'e' yImev!
chay'?! bIjangbe' 'e' tlhob Qov. woQDaj DaquvHa'moHbejtaH.
bIHem'a'? chaq taghwI'pu' pabpo' DagheSqangqa' SoH.
ghobtaH pagh. ghojwI'pu' DIboQ wIneH qar'a'?
vaj batlh bIjatlhlaHbe'chugh, yIjatlhQo'.
>bIjatlh ngeDbe'. bIlughbe'. ngeDqu' 'e' vI'ang.
Qo', SuStel. lugh Qov. qechvam Damughqu'laH 'e' Da'ang. pIm chav.
qech muchbogh mu'tlhegh ngeD law' mu'mey mughbogh mu'tlhegh ngeD puS.
>ngeDbe' bIjatlhmo' ghaytan mu'tlheghvam lumugh ghojmoHwI'pu' 'e' lunIDQo'.
>"ngeDbe' nuja' Qov. vaj Qatlh."
>wejpuH.
wejpuH jIjatlh je. QIpbe' ghojwI'pu'ma'.
ghaytan ghel "qatlh Qatlh? chay' ngeDbe'?" vaj Qub 'ej ghoj.
>ghobchoHlu'meH qoj Hegh loplu'meH jachlu'. bIghobchoHbe'law' 'ej Hegh
>DaloptaHbe'law'. bIvInglaw' neH. latlhvaD yIjach!
DaH bIDoghtaH. tlhIngan SuvwI' DaDa DaneHchugh, batlh'e' yIqaw.
ghojwI' ghobbe' ghojmoHwI'. Hegh ghojwI' neHbe' ghojmoHwI'.
ghol chaHbe'. qoch chaH. ngoQ rap luchavlI'.
chaq QubQo'chugh ghojwI'qoq jachnIS ghojmoHwI'.
jachchugh ghojmoHwI', ghaytan ghojwI' tung neH.
'ach Qu' nISchugh vay', nISwI'vaD jachlaHbej. nISwI' tung neHbej!
-- ghunchu'wI'