tlhIngan-Hol Archive: Thu Oct 09 01:27:19 1997
[Date Prev][Date Next][Thread Prev][Thread Next]
Achilles
This is a translation practice without KLBC in the header. I welcome
corrections and comments from any source. * preceeds names. peHruS
loD QeH qel lutvam. wIbHa'ghach Qom neH *'a'HIl, *pel'uS tuq joHHom;
*'aHyIn QaSDaq netlh yolmey qembogh loD ghaH 'a'HIl'e'. ghe'torDaq lommey
law' ngeH yolmeyvam; 'ej toQvaD targhmeyvaD je gheD mojmoH, qaStaHvIS
ghochDaj nej San.
SolchuqchoHDI' *'agha'memnon joH, *'a'tlhIS tuq, 'a'HIl joHHom je tagh
yolvam.
Hay'moHbogh qa' yIngu'. *'a'pol ghaH, *le'to' *jI'uS je puqloD. 'a'pol
mawpu' ta' ('agha'memnon), vaj raQDaq ropna' ngeHpu' 'a'pol 'ej Heghpu'
ghotpu' law'qu'. puqbe'Daj je'qa'meH 'aHyIn yo'Daq pawDI' cha'nob mIpqu'
qengbogh lalDan pIn *QI'SIS, tIchpu' 'agha'memnon. naQ Doq, beqpuj rur, 'uch
ghopDaj; qatmeH 'a'pol por-ghomey SeQ lo'bogh naQ 'oH. 'aHyIn nganpu'vaD
tlhoblaw'pu' 'ach chIch 'a'tlhIS tuq cha' joHpu'vaD tlhobbejpu'; jatlh:
�joHwI'pu' toy'wI'pu'chaj je, tlhIHvaD *'o'lImpuS luDabbogh joH'a'pu'
vItlhob: *peram veng bojevjaj 'ej yay boSuqjaj 'ej SuQuchtaHvIS juHmeyrajDaq
bocheghjaj. DaH puqbe'wI' vIbuS; ghaH yInobHa' 'e' vItlhob; voHDajbo'vam
yIlaj; 'a'pol jI'uS puqloD yIvuv.�
mu'mey QaQ jatlhpu' Hoch; 'ej lalDan pIn vuv cha' joHpu' 'ej voHDajbo' laj
chaH 'e' tlhob; 'ach Quchbe' ta' 'agha'memnon. lalDan pInvad �yIjaH� ra'
ghaH, �HIcholqa'Qo'. chaq nIbotlaHbe' naQlIj por-ghomeylIj SeQ je. be'vam
vInobHa'Qo'! juHmajDaq qanchoHbej ghaH. *'arghoSvo' SumtaH ghaH. Sut
chenmoH ghaH 'ej QongDaqwIjDaq QottaH. DaH yIjaH. choQeHmoHchugh vaj
'arghbej ghu'lIj.�
Hajqu' loDvetlh qan 'ej pabchu'. jatlhbe'taHvIS bIQ'a' chuS HeHDaq yIt
ghaH; 'ej juHDajDaq pawDI' 'a'polvaD tlhob jay': �HIQoy, *QI'Se' *SIl'a' je
lIghbogh 'a'pol, *tene'DoS joH HoSghaj. DuQuchmoH chIrgh vIchenmoHpu'chugh
qoj Qogh tlhagh vImeQchugh vaj wa' pop HInob. ghIntaqmeylIjmo' bechjaj
*Da'nanpu'.�
Qoypu' 'a'pol. QeHtaHvIS ghaH, HuD 'o'lImpuSvo' yIt 'ej nuHmeyDaj qem.
vIHtaHvIS joHHeyvam qIj, ram rur, chuSchoH volchaHDu'Daq bIHtaHbogh nuHmey.
SumtaHvIS yo' Dujmey joD ghaH 'ej wa' QIn baH ghaH. Dojqu' chetvI' ghogh.
vangDI' tIqnaghmey targhmey je HIvpu', qaSDI' neghvaD QInmey jejqu' baHpu',
'ej DoS qIpchu' Hoch. Dat lom qul tu'lu' 'ej baqbe'.
qaStaHvIS Hut jaj raQDaq pum joHHey QInmey. qaSDI' jaj wa'maHDIch qep jeS
Hoch 'e' tlhob 'a'HIl. Hegh Da'nanpu' 'e' bej ghaH vaj 'IQmo', 'a'HIl yabDaq
qechvam 'elmoH joHbe'Hey *Hera'. ghompu'DI' Hoch, Hu' 'a'HIl 'ej ja':
�voDleHwI'. mayIntaHchugh juHmajDaq macheghDI' lengwI'pu' maHlaw' neH.
nujey noH rop je 'e' nID bIH 'e' Datlhojbe''a'? HItlhej, lalDan pIn vay'vo'
najpu'ghach QIjwI'vo' joq De' wISuqnIS. manajmoHlaw' qa'pu' qar'a'. chaq
nuja': 'a'pol QeHmoH nuq? matlhobmo' qoj tlhagh wImeQmo' pIch wIghaj'a' 'e'
Qub qa'. ropna'vamvo' nutlhabmoHmeH Duy' Hutlhchu'bogh Ha'DIbaHmey poQ'a'
qa'?