tlhIngan-Hol Archive: Mon Nov 24 13:39:43 1997
[Date Prev][Date Next][Thread Prev][Thread Next]
jIDumnIS
- From: [email protected] (Alan Anderson)
- Subject: jIDumnIS
- Date: Mon, 24 Nov 97 16:13:58 EST
cha'Hu' be'nI' puqbe' qoS malop.
wa' ben boghpu' ghaH.
juHDaj Such jup law'.
puqloDwI' jupna' ghaH wa' SuchwI''e'.
juHmajDaq Qong jupvam 'e' luwuq.
vaj rInDI' lop, wa'maH Hut vatlh rep juHmajDaq nutlhej.
qaStaHvIS rep law' Qongbe' chaH.
De'wI' Quj law' Quj. QujtaHvIS, jabbI'IDmey vIlaD 'ej vIqon.
cha'maH cha' vatlh rep mev 'ej QongrupchoH.
jIQongrupchoH je, 'ach chuStaH chaH.
cha'maH wej vatlh rep DIra'qa': peQong!
HeQ chaH 'ej tamchoH. chaH vIbuSHa'laH 'ej jIQonglaH.
roD "Sunday" po jIQongtaH, 'ach pIm jajvam.
lalDan DuSaQDaq jaHnIS puqpu', 'ej chaHvaD nIQ vIvutmeH jIvemnIS.
*chabHab
Qu' le' ta'nISmo' be'nalwI', DuSaQDaq puqpu' vIlupnIS je.
vaj loS QongwI' rep vIchIlpu'. yapbe'pu' leSwIj.
DaHjaj pov jIQong vIneH, 'ach jaS jInab.
'IH muD Dotlh 'ej yotlhwIj luDantaH raghbeHbogh pormey.
bIH vIbI'chu'!
Qu'vam vIta'DI' jIDumbej.
SKI: I need a nap, but the leaves must be raked first.
-- ghunchu'wI'