tlhIngan-Hol Archive: Sun Nov 23 10:49:04 1997
[Date Prev][Date Next][Thread Prev][Thread Next]
Re: DaHjaj Hat
- From: "William H. Martin" <[email protected]>
- Subject: Re: DaHjaj Hat
- Date: Sun, 23 Nov 1997 13:51:05 -0500 (Eastern Standard Time)
- Priority: NORMAL
On Sat, 22 Nov 1997 11:38:02 -0800 (PST) Alan Anderson
<[email protected]> wrote:
> >> jISaHbe' jIH, 'ach SaHbej be'nalwI' quv.
> >toH! DaH jIyajchu'! ra'laH ngaghqangbogh be', qar'a'?
>
> toDSaH! jIH ghaH je DatIch!
choyajHa', jupwI'. SatIch 'e' vIHarbe'bej.
> be'nalwI' vIvuvqu'. vISaH. vIQorgh vIneH. Quch vIneH.
> manga'chuq 'e' vItIvbej, 'ej jIHmo' Quchbe'chugh ghaH ghaytan qaSbe',
> 'ach Dochvetlh potlh law' Hoch potlh puS 'e' vIpoQbe'.
le'qu' ngaghtaHghach. ta'na' 'oH. qaStaHvIS DISmey law' nga'chuq
qochna'pu' neH. be'nallI' vIqIHpu'. HoS qa' ghajba'. SoHmo' Hem.
ghaHmo' bIHem. maj.
Dura'DI' nI'IjmoHbogh meq rap lIngachmoHbogh meq. Hoch jaj
SuwIvchuq. SuwIvchuqDI' Sura'chuqlaH. rut SubuSHa'chuqlaH 'ach
motlh Su'Ijchuq.
> wa' tuq maH. ngoQ rapvaD mavumnIS. qorDu'vaD potlh rom.
> vaj 'IHtaH juHmaj 'e' SaHchugh ghaH, jIvangnIS je jIH.
> "Florida"-Daq maghIQ 'e' vIwuqchugh, nabqang je ghaH.
>
> tagh'a' mu'qaD veS? Heghpu'bogh lIy rur jIblIj. qaqaD!
qochna' ghajbogh jup'e' vIqaDlaHbe'. tuqlIjmo' SoH HoS law' jIH
HoS puS. nIteb tuq quv vISuvqangpa' SuS vISuvqang.
> -- ghunchu'wI'
charghwI'